Hadith 5602

(32) قوله: فيفلي ثوبه (لباس میں دیکھتے کہ کسی کی جوں تو نہیں گری) یعنی کپڑے میں دیکھتے کہ اس میں کسی کی جوں تو نہیں گر گئی اور یہ اس روایت کے منافی نہیں ہے جو مروی ہے کہ جوئیں آپ کو تکلیف نہیں دیتی۔(مرقات)۔ قوله حجزته: حاء کے ضمہ اور زے کے سکون کے ساتھ یعنی تہبند باندھنے کی جگہ لتساوى الكعبة یعنی اس کی لمبائی کعبہ کے برابر ہے، اس شان و عظمت کے ساتھ اس کا ظاہر ہونا شاید اس معاملہ کی تعظیم اور ہیبت بتانے کے لئے ہے۔ قوله: ان شئت نبيا عبدا یعنی اگر آپ بندہ کی طرح نبی رہنا چاہتے ہیں یعنی وصف نبوت و عبودیت کے جامع تو اسی کو اختیار کیجئے اور وہی ہو جائے یا آپ کے لئے وہی ہے قوله: شئت نبيا ملكا اگر آپ چاہیں بادشاہ کی طرح نبی رہیں تو اسی طرح ہے، حاصل کلام یہ ہے کہ اللہ تعالیٰ نے آپ کو اختیار بخشا جو آپ چاہیں اختیار فرمائیں۔ اس میں اشارہ ہے ملوکیت اور کمال عبدیت جمع نہیں ہوتے۔(ماخوذ از مرقات)۔