Hadith 1038

نافع رضی اللہ عنہ، ابن عمر رضی اللہ عنہ سے روایت کرتے ہیں کہ نبی کریم صلی اللہ علیہ وسلم اپنی سواری کے اونٹ کو اپنے اور اپنے قبلہ کے درمیان عرضاً (آڑا) بٹھاتے تھے اور (اس کو سترہ بنا کر) اس کی جانب رخ کر کے نماز پڑھتے تھے۔ (اس کی روایت بخاری اور مسلم نے متفقہ طور پر کی ہے۔) اور بخاری نے یہ عبارت زیادہ کی ہے، نافع کہتے ہیں کہ میں نے حضرت ابن عمرؓ سے پوچھا کہ اگر اونٹ (چرنے یا پانی پینے) چلے جاتے تو بتلائیے کہ حضور کیا کرتے تھے؟ تو ابن عمر رضی اللہ عنہما نے فرمایا کہ کجاوے کو لیتے اور اس کو سامنے رکھ کر کجاوے کے آخری حصہ کی پچھلی لکڑی کو (سترہ بناتے) اور اس کی طرف رخ کر کے نماز ادا فرماتے تھے۔