اردو
Urdu OCR, pending reviewNoor 1530
ابن عمر رضی اللہ عنہما سے روایت ہے، انہوں نے کہا کہ میں نے بلال رضی اللہ عنہ
سے دریافت کیا کہ جب رسول اللہ صلی اللہ علیہ وسلم نماز میں ہوتے اور لوگ حضور علیہ السلام کو اسی
حالت میں سلام کرتے تو رسول اللہ صلی اللہ علیہ وسلم ان کو کس طرح سلام کا جواب دیا کرتے تھے؟ تو
بلال رضی اللہ عنہ نے جواب دیا کہ رسول اللہ صلی اللہ علیہ وسلم اپنے ہاتھ کے اشارہ سے جواب دیتے
تھے۔ (اس کی روایت ترمذی نے کی ہے اور نسائی کی روایت بھی اسی طرح ہے اور اس میں بلال رضی
اللہ عنہ کے بجائے صہیب رضی اللہ عنہ کا نام ہے۔)
Possible references (unverified, pending editorial review)
- Candidate: Jami al-Tirmidhi 368 (unverified) 96% confidence
Confidence and text similarity are not editorial verification.
Commentary and footnotes (1)
Note 1
ف: شرح منیہ میں لکھا ہے کہ نمازی کا ہاتھ یا سر کے اشارہ سے سلام کا جواب دینا مکروہ ہے، اس سے معلوم ہوتا ہے کہ اشارہ سے سلام کا جواب دینے کی یہ حدیث اس زمانہ سے متعلق ہے جبکہ نماز میں بات چیت کرنا منسوخ نہیں ہوا تھا اور جب نماز میں بات چیت کرنا منسوخ ہو گیا تو نماز میں اشارہ سے سلام کا جواب دینا بھی منسوخ ہو جائے گا کیونکہ اشارہ بھی کلام کی طرح ہے۔ یہ مرقات میں مذکور ہے۔