Hadith 1901

لئے کہ عیدگاہ کے نمازیوں پر اللہ تعالیٰ کی رحمت نازل ہوتی ہے قربانی نہ کرنے والا رحمت کا مستحق نہیں ہوتا ہے، اسی لئے ایسا شخص عیدگاہ میں نہ آئے، حضور کا اس طرح ارشاد فرمانا قربانی نہ کرنے والے پر اللہ تعالیٰ اور حضرت صلی اللہ علیہ وآلہ وسلم کے غضب کی علامت ہے اس حدیث سے معلوم ہوا کہ قربانی نہیں کرنے والا اس وعید کا مستحق ہے۔ واجب ہی کے ترک پر وعید آئی ہے، اگر قربانی کرنا واجب نہ ہوتا تو ایسی وعید نہ آتی) (جیسا کہ علامہ عینی رحمۃ اللہ علیہ نے فرمایا ہے۔12)۔ (اس حدیث کی روایت ابن ماجہ، حاکم اور امام احمد نے کی ہے، اور حاکم نے کہا ہے کہ اس حدیث کی سند صحیح ہے۔) ف: واضح ہو کہ نصاب دو طرح کا ہوتا ہے ایک نصاب زکات کا ہے اور دوم نصاب فطرہ اور قربانی کا، جو شخص زکات کے نصاب کا مالک ہے تو اس پر زکات بھی آئے گی اور فطرہ اور قربانی کرنا بھی واجب ہوگا اور جو شخص زکات کے نصاب کا مالک اس طرح سے نہیں ہے کہ اس کے پاس سونا چاندی اور تجارت کا مال وغیرہ نہیں ہے بلکہ فطرہ اور قربانی کا نصاب اس پر اس طرح واجب ہے کہ ضروری اسباب جو رات دن کے برتاوے میں رہتا ہے اس کے سوا اس کے پاس اور اسباب بھی ہے جو کبھی کبھی کام میں آتا ہے اور ان سب کی قیمت اتنی ہے کہ جس پر زکوٰہ واجب ہوجاتی ہو تو اس پر عیدالفطر کے دن فطرہ اور عید الاضحی کے دن قربانی واجب ہے۔ فطرہ اور قربانی کے لئے ایسے مال پر سال گزرنے کی شرط بھی نہیں ہے۔ (ردالمحتار)۔