Hadith 2173

مطلب بن وداعہ رضی اللہ عنہ سے روایت ہے، وہ فرماتے ہیں کہ جب حضرت عثمان بن مظعون رضی اللہ عنہ کا انتقال ہوا تو ان کا جنازہ لے جا کر (بقیع میں) دفن کیا گیا تو رسول اللہ صلی اللہ علیہ وآلہ وسلم ایک صحابی کو حکم دئے کہ ایک بڑا پتھر اٹھا لاؤ (تاکہ قبر کے سرہانے کی طرف رکھا جائے یہ معلوم ہونے کے لئے کہ یہ عثمان بن مظعون کی قبر ہے) وہ پتھر (اس قدر بڑا تھا کہ) صحابی اس کو اٹھا کر نہ لا سکے تو خود رسول اللہ صلی اللہ علیہ وآلہ وسلم اس پتھر کے لانے کا ارادہ فرمائے اور اپنے دونوں آستینوں کو چڑھا کر اس پتھر کے پاس پہنچے، راوی کہتے ہیں کہ جو صاحب مجھ سے یہ حدیث بیان کئے ہیں وہ فرماتے تھے کہ رسول اللہ صلی اللہ علیہ وآلہ وسلم جب اس پتھر کے لانے کے لئے اپنے آستین چڑھائے ہیں تو حضور کے بازوؤں کی سفیدی اس وقت مجھے جو دکھائی دی اب تک یاد ہے، پھر رسول اللہ صلی اللہ علیہ وآلہ وسلم اس پتھر کو اٹھا کر عثمان بن مظعون کی قبر پر سرہانے کی طرف جما دئے، اور حضور صلی اللہ علیہ وآلہ وسلم ارشاد فرمائے (کہ مرور زمانہ سے قبر مٹ کر زمین کے برابر ہو جاتی ہے اور لوگوں کو معلوم نہیں ہوتا کہ قبر کہاں ہے اس لئے) میں (اس پتھر کو سرہانے کی طرف رکھ کر) لوگوں کو یہ معلوم کرانا چاہتا ہوں کہ (یہاں میرے رضاعی بھائی) عثمان بن مظعون کی قبر ہے (میں یہ نشانی اس وجہ سے بھی رکھ رہا ہوں کہ) ان کے بعد میرے گھرانے میں سے جو بھی وفات پائیں گے انہیں یہاں دفن کروں گا۔ (اس سے ہڑواڑ قائم کرنے کا ثبوت ملتا ہے (جیسا کہ مرقات میں مذکور ہے۔12)) (اس حدیث کی روایت ابوداؤد نے کی ہے۔)