Hadith 2540

ام عمارہ بنت کعب رضی اللہ عنہا سے روایت ہے کہ نبی کریم صلی اللہ علیہ وآلہ وسلم (ایک دفعہ) ان کے پاس تشریف لائے تو انھوں نے حضور صلی اللہ علیہ وآلہ وسلم کے لئے کھانا منگوایا۔ حضور ﷺ نے ان سے فرمایا: تم بھی کھانے میں شریک ہو جاؤ تو انھوں نے عرض کیا: (یا رسول اللہ صلی اللہ علیہ وآلہ وسلم!) میں روزہ سے ہوں تو (یہ سن کر) نبی کریم صلی اللہ علیہ وآلہ وسلم ارشاد فرمایا کہ روزہ دار کے سامنے جب کھانا کھایا جائے تو فرشتہ (اس روزہ دار) پر اس وقت تک رحمت بھیجتے ہیں جب تک وہ (کھانے والے کھانے سے) فارغ نہ ہو جائیں۔ اس کی روایت امام احمد، ترمذی، ابن ماجہ اور دارمی نے کی ہے۔