Hadith 2627

فروہ بن نوفل رضی اللہ عنہ اپنے والد سے روایت کرتے ہیں، ان کے والد نے عرض کیا: رسول اللہ آپ مجھے کوئی وظیفہ بتادیجئے جس کو میں سونے کے لئے بستر پر جاؤں تو پڑھ لیا کروں تو حضور صلی اللہ علیہ وسلم نے سورہ ”قُلْ يَا أَيُّهَا الْكَافِرُونَ“ پڑھ لیا کرو فرمایا۔ اس لئے کہ اس میں شرک سے بیزاری کا ذکر ہے (اس لئے تم اس کو پڑھ کر سوؤ گے تو شرک سے پاک ہوکر سوؤ گے اور مرو گے تو توحید پر مرو گے)۔ اس حدیث کی روایت ترمذی ابوداؤد اور دارمی نے کی ہے۔