اردو
Urdu OCR, pending reviewNoor 3466
حضرت انس رضی اللہ عنہ سے روایت ہے کہ ایک صاحب نبی کریم صلی اللہ
علیہ وآلہ وسلم کی خدمت اقدس میں حاضر ہو کر عرض کئے: یا رسول اللہ صلی اللہ علیہ وسلم (ارشاد ہو)
کونسی دعا (میرے لئے) زیادہ بہتر ہے؟ آپ نے ارشاد فرمایا: تم اپنے رب سے تندرستی اور دنیا اور
آخرت میں عافیت (یعنی ایک دوسرے کے شرور سے حفاظت اور نیکیوں میں ایک دوسرے کی مدد)
مانگا کرو۔ پھر وہی صاحب آپ کی خدمت میں دوسرے دن حاضر ہوئے اور عرض کئے: یا رسول اللہ
(ارشاد ہو کہ) کونسی دعاء (میرے لئے) زیادہ بہتر ہے؛ تو آپ نے اسی دعا کو پڑھنے کی تلقین فرمائی
وہ صاحب تیسرے دن پھر آپ کی خدمت میں حاضر ہوئے تو آپ نے اسی (دعاء) کے کرنے کی
تاکید فرمائی اور پھر فرمایا: جب تم کو دنیا اور آخرت کی عافیت اور تندرستی دے دی گئی تو تم کامیاب
ہو گئے۔
اس کی روایت ترمذی اور ابن ماجہ نے کی ہے۔
Possible references (unverified, pending editorial review)
- Candidate: Jami al-Tirmidhi 3513 (unverified) 92% confidence
- Candidate: Sunan Ibn Majah 3848 (unverified) 90% confidence
Confidence and text similarity are not editorial verification.