Hadith 2958

ابن عباس رضی اللہ عنہما سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم ارشاد فرمائے کہ اے لوگو! اللہ تعالیٰ نے تم پر حج فرض کیا ہے یہ سن کر اقرع بن حابس رضی اللہ عنہ کھڑے ہوئے اور عرض کیا یا رسول اللہ! کیا ہر سال حج فرض کیا ہے؟ تو حضور صلی اللہ علیہ وآلہ وسلم نے ارشاد فرمایا اگر میں ہاں کہہ دوں تو تم پر (ہر سال حج) واجب ہوتا (یعنی اس کا ادا کرنا ہر سال فرض ہو جاتا) اور (ہر سال) حج واجب ہو جائے تو تم (ہر سال) حج نہیں کر سکتے اور اس کی قدرت بھی نہیں رکھ سکتے (یاد رکھو!) حج عمر بھر میں (صرف) ایک بار (فرض) ہے اور جو شخص اس سے زیادہ کرے نفل ہوگا۔ اس کی روایت امام احمد، نسائی اور دارمی نے کی ہے اور ابن ہمام نے کہا ہے کہ اس کی روایت دارقطنی نے اپنی سنن میں اور حاکم نے مستدرک میں کی ہے اور حاکم نے کہا ہے کہ یہ حدیث بخاری اور مسلم کی شرط کے موافق صحیح ہے اور شمنی نے کہا ہے کہ ابوداؤد اور ابن ماجہ نے بھی اس کی روایت کی ہے۔