Hadith 3162

معاذہ عدویہ رضی اللہ عنہا سے روایت ہے کہ ایک خاتون نے ام المؤمنین حضرت عائشہ رضی اللہ عنہا سے عرض کیا کہ مجھے حرم میں کسی کی ایک گم شدہ چیز ملی ہے اور میں اس کا برابر اعلان کرتی رہی ہوں لیکن اب تک مجھے اس کا مالک نہیں ملا تو ام المؤمنین حضرت عائشہ رضی اللہ عنہا نے فرمایا تم اس کو استعمال کرلو۔ اس کی روایت امام طحاوی نے کی ہے۔ اور بخاری و مسلم کی ایک اور روایت میں ہے کہ آپ صلی اللہ علیہ وسلم نے ارشاد فرمایا: یہاں (مکہ مکرمہ) کی گھاس نہ اکھاڑی جائے، تو حضرت عباس رضی اللہ تعالیٰ عنہ نے عرض کیا: یا رسول اللہ صلی اللہ علیہ وسلم! ”اِذْخِرْ“ (جو ایک قسم کی گھاس ہے) کی اجازت عطا فرمائیے، چونکہ وہ سناروں کے پاس اور گھروں میں کام آتی ہے، تو نبی اکرم صلی اللہ علیہ وسلم نے ارشاد فرمایا: اس کے کاٹنے کی اجازت ہے۔ بخاری اور مسلم میں حضرت ابوہریرہ رضی اللہ تعالیٰ عنہ سے مروی ہے: حضور اکرم صلی اللہ علیہ وسلم نے ارشاد فرمایا: یہاں ”مکہ مکرمہ“ کا درخت نہ کاٹا جائے۔