Hadith 5533

حضرت انس رضی اللہ تعالیٰ سے روایت ہے فرمایا کہ رسول اللہ صلی اللہ علیہ وسلم نے ارشاد فرمایا: جب لوگ اٹھائے جائیں گے تو میں سب سے پہلے برآمد ہوں گا، اور جب وہ چلیں گے تو میں ان کا قائد رہوں گا(33)، جب وہ چپ ہو جائیں گے تو اس وقت ان کا خطیب رہوں گا۔ اور جب وہ روک دئے جائیں گے تو میں ان کی شفاعت کرنے والا رہوں گا۔ اور جب وہ عزت سے مایوس ہو جائیں گے تو میں ان کو خوشخبری دینے والا ہوں گا، اور کنجیاں اس دن میرے ہاتھ میں ہوں گی اور لواء الحمد اس دن میرے ہاتھ میں ہوگا۔ اور میں اپنے پروردگار کے پاس ساری اولاد آدم میں سب سے عزت والا رہوں گا، اور میرے پاس ایک ہزار خادم طواف کرتے رہیں گے گویا وہ محفوظ انڈے ہیں، یا بکھرے ہوئے چمکدار موتی ہیں۔ (ترمذی، دارمی)۔