Hadith 971

ابوسعید خدری رضی اللہ عنہ سے روایت ہے، انہوں نے کہا کہ رسول اللہ صلی اللہ علیہ وسلم نے ارشاد فرمایا کہ جس کسی شخص کو دیکھو کہ وہ مسجد کی خبرگیری کیا کرتا ہے (یعنی مرمت کرتا ہے، جھاڑو دیتا ہے، اس میں نماز پڑھتا ہے مسجد میں چراغ روشن کرتا ہے اور ذکر و عبادت اور علوم دین کے درس میں مشغول رہتا ہے) تو تم اس کے لئے مومن ہونے کی شہادت دے دو اس لئے کہ اللہ تعالیٰ کا ارشاد ہے: ”إِنَّمَا يَعْمُرُ مَسٰجِدَ اللّٰهِ مَنْ اٰمَنَ بِاللّٰهِ وَالْيَوْمِ الْاٰخِرِ“۔ (سورۃ توبہ، پ:10، ع:3، آیت نمبر:18) (حقیقت میں اللہ کی مسجدوں کو وہی آباد رکھتے ہیں کہ جو اللہ پر اور آخرت پر ایمان لائے ہیں۔ (اس کی روایت ترمذی، ابن ماجہ اور دارمی نے کی ہے۔)