Hadith 2778

ف: مذکورہ بالا صدر کی دو حدیثوں میں ایک میں تسبیحات کو شمار کرنے کے لئے کنکریوں اور گٹھلیوں کا ذکر ہے اور دوسری حدیث میں انگلیوں کے پوروں پر تسبیحات کو شمار کرنے کا ارشاد ہے۔ اس بارے میں صاحب مرقات نے فرمایا ہے کہ: ان حدیثوں سے ثابت ہوتا ہے کہ تسبیح رکھنا جائز ہے خواہ تسبیح کے دانے کسی ڈوری میں منسلک ہوں یا علیحدہ علیحدہ ہوں اس وجہ سے جو لوگ تسبیح رکھنے کو بدعت قرار دے دیتے ہیں ان کی یہ بات مذکورہ حدیثوں کی روشنی میں قابل اعتبار نہیں چنانچہ علمائے کرام اور مشائخ عظام نے تسبیح کو شیطان کے لئے کوڑا قرار دیا ہے۔ اسی وجہ سے درمختار میں لکھا ہے کہ اگر ریاکاری کا شائبہ نہ ہو تو اس کے استعمال میں کوئی مضائقہ نہیں ہے۔ اور بحر الرائق میں بھی ایسا ہی مذکور ہے۔ اھ مرقات میں یہ بھی مذکور ہے کہ حضرت ابوہریرہ رضی اللہ عنہ کے پاس ایک ڈوری تھی جس میں بہت ساری گرہیں پڑی ہوئی تھیں۔ جس سے تسبیحات کے شمار کا کام لیا کرتے تھے۔ اس سے تسبیح رکھنے کا جواز اور استحباب ثابت ہوتا ہے۔12