Hadith 1542

عبداللہ بن سائب رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم زوال آفتاب کے بعد ظہر کے فرض سے پہلے چار رکعت سنت ادا فرماتے اور یہ ارشاد فرماتے تھے کہ یہ ایسا وقت ہے جس میں آسمان کے دروازے کھول دیئے جاتے ہیں، اس لئے میں چاہتا ہوں کہ اس وقت کوئی نہ کوئی نیک عمل کروں (چونکہ نماز افضل اعمال صالحہ ہے، اس لئے یہ چار رکعت سنت پڑھتا ہوں) تاکہ یہ آسمان کے دروازوں سے گزر کر اللہ تعالیٰ کے سامنے پیش ہو جائیں۔ (اس کی روایت ترمذی نے کی ہے۔)