Hadith 1772

ابن عمر رضی اللہ عنہما سے روایت ہے آپ فرماتے ہیں کہ ہم طرح طرح کی گمراہیوں میں مبتلا تھے۔ (اللہ تعالیٰ کا بڑا فضل ہم پر ہوا) کہ ہماری ہدایت کے لئے رسول اللہ صلی اللہ علیہ وآلہ وسلم تشریف لائے (آپ کی تعلیم ایسی مکمل تعلیم تھی کہ ہم تمام گمراہیوں سے ایسے ہی نجات پائے، جیسے آفتاب نکلنے سے تمام اندھیروں سے نجات مل جاتی ہے) منجملہ آپ کی تعلیمات کے ایک تعلیم یہ بھی تھی کہ آپ کے ذریعہ سے اللہ تعالیٰ نے ہم کو یہ حکم دیا کہ سفر میں (چار رکعت والی فرض نماز کو) دو رکعت ہی پڑھا کریں (اس پر اور رکعتیں زیادہ نہ کریں) اگر کوئی رکعتیں زیادہ کرے گا تو وہ اللہ تعالیٰ کے حکم کا خلاف کرنے کی وجہ سے گنہگار ہوگا)۔ (اس حدیث کی روایت نسائی نے کی ہے۔)