Hadith 2396

ابوہریرہ رضی اللہ عنہ سے روایت ہے وہ فرماتے ہیں کہ ایک صحابی نبی کریم صلی اللہ علیہ وآلہ وسلم کی خدمت میں حاضر ہو کر عرض کئے: (یا رسول اللہ!) میرے پاس دینار ہیں (ارشاد ہو کہ میں ان کو کیسے خرچ کروں) حضور صلی اللہ علیہ وآلہ وسلم ارشاد فرمائے کہ (پہلے) تو اس کو اپنی ذات پر خرچ کر۔ انھوں نے عرض کیا کہ (اس کے بعد بھی) میرے پاس دینار (باقی) رہ جاتے ہیں تو حضور صلی اللہ علیہ وآلہ وسلم ارشاد فرمائے کہ اس کو تو اپنی اولاد پر خرچ کر انھوں نے (پھر) عرض کیا کہ (اس کے بعد بھی) میرے پاس اور دینار (باقی) رہ جاتے ہیں تو حضور صلی اللہ علیہ وآلہ وسلم ارشاد فرمائے کہ تو اس کو اپنی بیوی پر خرچ کر، انھوں نے (پھر) عرض کیا: (اس کے بعد بھی) میرے پاس اور دینار (باقی) رہ جاتے ہیں تو حضور صلی اللہ علیہ وآلہ وسلم ارشاد فرمائے کہ تو اس کو اپنے خادم پر خرچ کر، انھوں نے (پھر) عرض کیا کہ میرے پاس اور دینار رہ جاتے ہیں تو حضور صلی اللہ علیہ وآلہ وسلم ارشاد فرمائے کہ تم خود سمجھدار ہو (اس لئے تم جس کو مستحق سمجھے ہواس کو دیدو)۔ اس حدیث کی روایت ابوداؤد اور نسائی نے کی ہے۔