Hadith 2587

ابو ہریرہ رضی اللہ عنہ سے روایت ہے۔ وہ فرماتے ہیں کہ رسول اللہ صلی علیہ وسلم نے ابی بن کعب رضی اللہ عنہ سے دریافت فرمایا کہ تم نماز میں (قرآن) کس طرح پڑھتے ہو؟ تو انہوں نے ام القرآن یعنی سورہ فاتحہ پڑھ کر سنایا تو یہ سن کر رسول اللہ صلی اللہ علیہ وآلہ وسلم نے ارشاد فرمایا کہ قسم ہے ذات باری تعالیٰ کی جس کے قبضہ میں میری جان ہے کہ اس سورت کے مثل نہ تو کوئی سورت نازل ہوئی اور نہ تو انجیل میں نہ تو زبور میں اور نہ قرآن (کے بقیہ حصہ) میں اور یہ یعنی سورۃ فاتحہ سات آیتیں ہیں جو نماز میں بار بار پڑھی جاتی ہیں تو اور یہی یعنی سورۃ فاتحہ قرآن عظیم ہے۔ جو مجھے عطا کیا گیا۔ اس کی روایت ترمذی نے کی ہے۔ اور دارمی نے بھی اس کی اسی طرح روایت کی ہے۔