Hadith 2700

سلمان فارسی رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وسلم ارشاد فرمائے ہیں کہ: تمہارا پروردگار بڑا حیاء اور کریم ہے یعنی بغیر مانگے دینے والا ہے وہ اپنے بندہ سے شرماتا ہے جبکہ اس کو خالی ہاتھ واپس کرے جب کہ بندہ (دعاء میں) اپنے ہاتھوں کو اس کی طرف اٹھاتا ہے (اس سے معلوم ہوا کہ مومن کی دعاء خالی نہیں جاتی یا تو دنیا میں قبول ہو جاتی ہے یا آخرت میں اس کا بدلہ ملے گا)۔ اس حدیث کی روایت ترمذی اور ابوداؤد نے کی ہے اور بیہقی نے اس کی روایت ”دعوات کبیر“ میں کی ہے۔