Hadith 3156a

ابوہریرہ رضی اللہ عنہ نبی کریم صلی اللہ علیہ وآلہ وسلم سے روایت فرماتے ہیں کہ حضورﷺ نے ارشاد فرمایا کہ میں مسلمانوں پر خود ان کی جانوں سے بھی زیادہ حق رکھتا ہوں (یعنی حضور صَلَّى اللّٰهُ عَلَيْهِ وَآلِهِ وَسَلَّمَ مسلمانوں کے باپ ہیں اس لئے مسلمانوں کو حضور صَلَّى اللّٰهُ عَلَيْهِ وَآلِهِ وَسَلَّمَ کے احکام کا لحاظ اپنی جانوں سے زیادہ کرنا چاہئے) پس جو شخص مر جائے اور وہ مقروض ہو اور اُس نے اتنا مال نہ چھوڑا کہ قرض ادا ہوسکے تو اس کی ادائی مجھ پر ہے اور جس شخص نے مال چھوڑا تو وہ اس کے وارثوں کے لیے ہے۔ اور ایک دوسری روایت میں اس طرح ہے کہ جو شخص قرض یا عیال (یعنی چھوٹے بچے) چھوڑ جائے تو وہ میرے ہیں میں اُن کا کفیل ہوں۔ ایک اور روایت میں اس طرح ہے کہ جو شخص مال چھوڑ جائے تو وہ اس کے وارثوں کے لیے ہے اور جو شخص عیال چھوڑ جائے تو وہ میرے پاس آئے۔ (میں ان کا کفیل ہوں)۔ اس کی روایت بخاری اور مسلم نے متفقہ طور پر کی ہے۔