Hadith 3544

حضرت ابو غالب سے روایت ہے کہ ابو امامہؓ نے دمشق کے راستہ میں چند سروں کو لٹکتے ہوئے دیکھا تو فرمایا (یہ) دوزخ کے کتے ہیں اور آسمان کے نیچے بدترین مقتول ہیں۔ اور بہترین مقتول وہ لوگ ہیں جن کو انہوں نے قتل کیا ہے پھر یہ آیت تلاوت فرمائی يَوْمَ تَبْيَضُّ وُجُوهٌ وَّتَسْوَدُّ وُجُوهٌ جس دن چند چہرے روشن ہوں گے اور چند چہرے سیاہ ہوں گے (3 آل عمران 106)۔ ابو امامہؓ سے پوچھا گیا کیا آپ نے رسول صلی اللہ علیہ وسلم سے یہ سنا ہے۔ انہوں نے کہا اگر میں آپ ﷺ سے ایک مرتبہ، دو مرتبہ، تین مرتبہ (یہاں تک کہ انہوں نے سات مرتبہ تک گنایا) نہ سنتا تو میں تم سے اس کو بیان نہ کرتا۔ (ترمذی، ابن ماجہ۔ امام ترمذی نے اس کو حدیث حسن فرمایا)