Hadith 3968

عائشہ رضی اللہ عنہا سے روایت ہے، انہوں نے عورتوں کی بیعت کے بارے میں کہا: رسول اللہ صلی اللہ علیہ وسلم اس آیت کی بنا پر ان کا امتحان لیتے تھے: ”اے پیغمبر! جب تمہارے پاس ایمان والی عورتیں اس غرض سے آئیں کہ وہ تم سے بیعت کریں“۔ (65۔ سورۂ ممتحنہ، آیت نمبر:12)۔ پس ان میں سے جو کوئی اس شرط کا اقرار کرتی تو اس سے آپ صلی اللہ علیہ وسلم فرماتے کہ میں تم سے بیعت لے لیا، وہ کلام کے ذریعہ ہوتا جو آپ صلی اللہ علیہ وسلم اس سے فرماتے، خدا کی قسم آپ صلی اللہ علیہ وسلم کا دست مبارک بیعت میں کبھی بھی کسی عورت کے ہاتھ کو مس نہیں ہوا۔ (بخاری و مسلم)۔