Hadith 5154

سیدنا نعمان بن بشیر نے سیدنا حذیفہ رضی اللہ تعالیٰ عنہ سے روایت کیا ہے، رسول اللہ صلی اللہ علیہ وسلم نے ارشاد فرمایا: نبوت تم میں جب تک اللہ اس کا رہنا چاہیگا رہیگی، پھر اللہ تعالیٰ اسے اٹھالیگا، پھر خلافت طریقۂ نبوت پر ہوگی جب تک اللہ تعالیٰ اس کا رہنا چاہیگا رہینگی، پھر اللہ تعالیٰ اسے اٹھالیگا، پھر کاٹ کھانے والی بادشاہت ہوگی اور وہ اسوقت تک رہیگی جب تک اللہ تعالیٰ چاہے کہ وہ رہے پھر اللہ تعالیٰ اسے اٹھالیگا، پھر قہر آلود بادشاہت ہوگی اور وہ قائم رہیگی جب تک اللہ تعالیٰ چاہے کہ وہ رہے، پھر اللہ تعالیٰ اسے اٹھالیگا، پھر طریقۂ نبوت پر خلافت ہوگی، پھر آپ نے سکوت فرمایا، حبیب نے فرمایا: جب عمر بن عبدالعزیز خلیفہ ہوئے تو میں نے انہیں یہ حدیث یاد دلاتے ہوئے لکھا اور کہا: مجھے امید ہے کہ آپ کاٹ کھانے والی اور قہر آلود بادشاہت کے بعد والے امیر المومنین ہوئے ہیں آپ اس سے خوش ہوئے اور آپ کو یعنی عمر بن عبدالعزیز کو یہ بات بہت پسند آئی۔ (احمد، بیہقی، دلائل النبوۃ)۔