Hadith 1292

ابوطلحہ رضی اللہ عنہ سے روایت ہے کہ رسول اللہ صلی اللہ علیہ وسلم ایک دن اس حالت میں تشریف فرما ہوئے کہ حضور صلی اللہ علیہ وسلم کا چہرہ انور خوشی سے چمک رہا تھا آپ نے ارشاد فرمایا کہ جبرئیل علیہ السلام میرے پاس آئے اور یہ خوشخبری سنائے کہ اللہ تعالیٰ فرماتے ہیں اے محمد (صلی اللہ علیہ وسلم) ہم آپ کو ایک خوشخبری سناتے ہیں جس سے آپ راضی اور خوش ہو جائیں گے وہ یہ ہے کہ آپ کی امت میں سے جو کوئی آپ پر ایک دفعہ درود پڑھتا ہے اس پر میں دس دفعہ رحمت نازل کرتا ہوں اور آپ کی امت میں سے جو کوئی آپ پر ایک دفعہ سلام بھیجتا ہے تو میں بھی اس پر دس دفعہ سلام بھیجتا ہوں۔ (اس کی روایت نسائی اور دارمی نے کی ہے۔)