Hadith 1523

انس رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا کہ جس شخص نے اخلاص کے ساتھ اللہ ہی کے لئے چالیس دن پانچوں نمازیں جماعت سے اس طرح ادا کی ہوں کہ امام کے تکبیر تحریمہ کہنے کے وقت حاضر تھا اور اس نے امام کی تکبیر تحریمہ کے بعد ہی تکبیر تحریمہ ادا کی ہو تو اس کے لئے دو طرح کی نجات لکھ دی جاتی ہے: ایک نجات دوزخ سے مل جاتی ہے کہ وہ دوزخ سے محفوظ رہے گا اور دوسری نجات نفاق سے مل جاتی ہے (کہ دنیا میں منافقوں کے اعمال مثلاً جھوٹ بولنے، وعدہ خلافی کرنے اور نماز کو سستی اور ریاء سے ادا کرنے سے بچا رہے گا اور اہل اخلاص کے اعمال کی اس کو توفیق دی جائے گی اور آخرت میں منافقین کے لئے جو عذاب خاص ہے اس سے بھی بچا لیا جائے گا)۔ (اس کی روایت ترمذی نے کی ہے۔)