Hadith 1719

ابوذر رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا: اے انسان تجھے کچھ خبر بھی ہے کہ اللہ تعالیٰ تیرے جسم میں (360) جوڑ بنائے ہیں اور ان کو صحیح سالم رکھے ہیں جن سے تو نفع اٹھا رہا ہے کیا خدا کے اس احسان کا تجھ پر کچھ شکریہ نہیں ہے؟ تجھ کو چاہئے کہ تو اپنے ہر ہر جوڑ کا شکریہ ادا کرے) جب تو صحیح و سالم صبح کیا ہے تو تجھ کو چاہئے کہ ہر جوڑ کے بدلہ صدقہ یعنی خیرات دے (پورا شکریہ تو کیا ادا کر سکتا ہے، ہر جوڑ کے بدلہ کچھ تو صدقہ دے کر شکریہ ادا کر! مالی صدقہ تجھ پر مقرر کرتے تو تجھ کو بہت بار ہوتا، یہ بھی ہمارا احسان ہے کہ) ہر ’’سُبْحَانَ اللّٰهِ‘‘ کہنے کو، ہم صدقہ یعنی خیرات کے قائم مقام بنائے ہیں اور ہر ’’اَلْحَمْدُ لِلّٰهِ‘‘ کہنے کو بھی، ہم خیرات کے قائم مقام بنائے ہیں، اور تیرا ہر بار ’’لَا إِلٰهَ إِلَّا اللّٰهُ‘‘ کہنا بھی خیرات کے قائم مقام ہے، اور تیرا ہر بار ’’اَللّٰهُ أَكْبَرُ‘‘ کہنا بھی خیرات کے قائم مقام ہے، اور نیک کام کا حکم دینا بھی خیرات کے قائم مقام ہے اور بُری بات سے منع کرنا بھی خیرات کے قائم مقام ہے (اگر تو مالی خیرات نہ دے سکے اور اسی طرح قولی خیرات بھی نہ کر سکے تو) اشراق کے کم از کم دو رکعت تو پڑھ لیا کر کہ یہ دو رکعت تیرے ہر جوڑ کی نعمت کے بدلے میں شکریہ کے قائم مقام بن جائیں گے (اس سے زیادہ اور ہم کیا آسانی کریں اگر تجھے کچھ قدر ہو تو ہمارے ہر احسان کا شکریہ ادا کرتا)۔ (اس کی روایت مسلم نے کی ہے۔)