Hadith 1790

جمعہ شاہد ہے، اس لئے کہ لوگ تو اپنی اپنی جگہ رہتے ہیں، جمعہ ان لوگوں کے پاس ان کو فیض پہنچانے خود حاضر ہوتا ہے، ایسا ہی جمعہ) مشہود بھی ہے، اس لئے کہ جمعہ کے دن رحمت کے فرشتے کثرت سے آتے ہیں اور رحمت پھیلاتے ہیں (کسی دن میں ایسی رحمت نازل نہیں ہوتی، جیسے جمعہ کے دن نازل ہوتی ہے صلوٰۃ یعنی درود بھی رحمت ہی ہے اس لئے کثرت سے بھیجا کرو) (تم کو معلوم ہونا چاہئے کہ جمعہ کے دن درود بھیجنے میں اور دوسرے دنوں میں درود بھیجنے میں بڑا فرق ہے اور دنوں میں تم جو درود بھیجتے ہو وہ درود فرشتے میرے پاس لا کر پیش کرتے ہیں، بخلاف) جمعہ کے کہ اس دن مجھے ایسا کشف ہوجاتا ہے کہ بغیر فرشتوں کے واسطوں کے تمہارا درود کشف کے ذریعے سے مجھ پر ظاہر ہوجاتا ہے (یہ پورا مضمون مرقات میں مذکور ہے۔) (میں تمہارے درود کو خود سنتا ہوں اور یہ کشف تمہارا درود پڑھنا ختم ہونے تک باقی رہتا ہے (گو کتنی ہی دیر ہو اور کتنی ہی دور سے پڑھا جائے، یہ بات اور دنوں میں حاصل نہیں ہوتی ہے، اس لئے تم کو تاکید سے کہتا ہوں کہ جمعہ کے دن کثرت سے مجھ پر درود بھیجا کرو) ابودرداء کہتے ہیں: میں نے عرض کیا: حضور یہ کشف ہونا آپ کی زندگی تک ہی ہے یا آپ کے وصال کے بعد بھی ایسا ہی آپ کو جمعہ کے دن درود پڑھے جانے کا کشف ہوتا رہے گا: یہ سن کر حضور ارشاد فرمائے سنو: ابو درداء (پیغمبروں کا تم عوام پر قیاس نہ کرنا) اللہ تعالیٰ نے پیغمبروں کے جسم زمین پر حرام کر دئے ہیں کہ پیغمبروں کے جسم کو (عوام کے جسم کی طرح) مٹی نہیں کھاتی ہے، وہ اپنے جسموں کے ساتھ اپنی قبروں میں زندہ موجود ہیں (ایسا ہی میں اپنی قبر میں اپنے جسم کے ساتھ زندہ رہوں گا۔ ابو درداء تم سمجھتے ہوں گے صرف روحانی زندگی ہوگی، نہیں نہیں بلکہ روح جسم کے ساتھ ایسی موجود رہے گی جیسے دنیا میں ہے، اس لئے) وہاں رزق بھی دیا جائے گا۔ (اس لئے میں قبر میں زندہ رہوں گا اور مجھے کشف بھی ہوتا رہے گا اور میں امتیوں کے درود کو خود سنوں گا۔ اس خصوص کی وجہ سے کہتا ہوں کہ جمعہ کے دن مجھ پر کثرت سے درود بھیجا کرو)۔ (اس کی روایت ابن ماجہ نے کی ہے۔)