Hadith 1793

ابوالجعد ضمیری رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا کہ جو شخص (بغیر عذر کے) محض سستی اور غفلت کی وجہ سے تین نماز جمعہ (متواتر) ترک کر دے تو اللہ تعالیٰ اس کے دل پر مہر لگا دیتے ہیں (جس سے اللہ تعالیٰ کا فیض اس کے دل سے رُک جاتا ہے اور جہل، غفلت اور نفاق سے اس کا دل بھر جاتا ہے اور ایمان کا نور اس کے دل سے جاتا رہتا ہے) (جیسا کہ مرقات اور زرقانی میں مذکور ہے۔12) (اس حدیث کی روایت ابوداؤد، ترمذی، نسائی، ابن ماجہ اور دارمی نے کی ہے۔) اور امام مالک نے اس کی روایت صفوان بن سلیم سے کی ہے اور امام احمد نے بھی اس کی روایت ابوقتادہ رضی اللہ عنہ سے کی ہے۔