Hadith 2082

2/2418-2419۔ ام عطیہ رضی اللہ عنہا سے روایت ہے، آپ فرماتی ہیں کہ رسول اللہ صلی اللہ علیہ وآلہ وسلم کی ایک صاحبزادی کا انتقال ہو گیا، ہم چند عورتیں ان کو غسل دے رہے تھے، ایسے وقت میں رسول اللہ صلی اللہ علیہ وآلہ وسلم تشریف لائے اور فرمایا کہ ان کو تین بار یا پانچ بار اور مناسب سمجھو تو زیادہ سے زیادہ (سات بار) بیری کے پتے ڈال کر پکایا ہوا نیم گرم پانی سے غسل دینا اور آخری مرتبہ کافور ملے ہوئے پانی سے نہلانا، جب تم غسل دینے سے فارغ ہو جاؤ تو غسل سے فارغ ہونے کی مجھے اطلاع دینا (حضور کے حکم کی تعمیل کر کے) غسل سے فارغ ہونے کی ہم حضور کو اطلاع کر دئے تو حضور اپنا تہہ بند ہماری طرف پھینک کر فرمائے کہ (عورتوں کے کفن کے پانچ کپڑے ہوتے ہیں، جن میں سے ایک ازار بھی ہوتی ہے) میرے اس تہہ بند کو ازار کے طور پر استعمال کرو تاکہ میرا یہ تہہ بند ان کے جسم کو لگا ہوا رہے اور اس کی برکت (جیسا کہ عمدۃ القاری میں مذکور ہے۔12) شامل حال رہے، بزرگوں کی عادت یہ ہے کہ ایک داؤنی (اوڑھنی) دیتے ہیں کہ اس کو رکھ چھوڑیں اور کفن میں اس کا استعمال کریں، حضرت صلی اللہ علیہ وآلہ وسلم کے اسی فعل سے ماخوذ ہے۔ اس لئے مریدنیوں کو داؤنی دینا درست ہے۔) اس حدیث کی روایت بخاری اور مسلم نے متفقہ طور پر کی ہے۔ اور عبدالرزاق کی روایت میں اس طرح ہے کہ ام المؤمنین حضرت عائشہ رضی اللہ عنہا ملاحظہ فرمائیں کہ چند عورتیں ایک عورت کو غسل دے رہی تھیں اور اس کے سر میں کنگھی کر رہی تھیں تو ام المؤمنین ان عورتوں سے ارشاد فرمائیں کہ تم اس مردہ کو جو کنگھی کر رہی ہو (تمہارے پاس اس کا کیا ثبوت ہے) کس بناء پر تم کنگھی کر رہی ہو، جب تک ثابت نہ ہو تم کو کنگھی کرنا جائز نہیں تھا) اور ہمارے امام ابو حنیفہ رحمۃ اللہ علیہ سے بھی ایسا ہی مروی ہے کہ ام المومنین حضرت عائشہ رضی اللہ عنہا ملاحظہ فرمائیں کہ چند عورتیں ایک عورت کو غسل دے رہی تھیں اور اس کے سر میں کنگھی کر رہی تھیں تو ام المومنین نے ان عورتوں سے ارشاد فرمائیں کہ تم اس عورت کو کیوں کنگھی کر رہی ہو، تمہارے پاس اس کا کیا ثبوت ہے جب تک ثابت نہ ہو تم کو کنگھی کرنا جائز نہیں تھا۔)