Hadith 2452

ف: اس حدیث شریف میں حضور صلی اللہ علیہ وآلہ وسلم نے صوم وصال سے منع فرمایا ہے اور خود حضور صلی اللہ علیہ وآلہ وسلم صوم وصال رکھا کرتے تھے، اس بارے میں جمہور کا مسلک یہ ہے کہ صوم وصال حضور صلی اللہ علیہ وآلہ وسلم کی خصوصیات سے ہے اس لئے امت کو صوم وصال رکھنا جائز نہیں ہے۔ صوم وصال میں حضور صلی اللہ علیہ وآلہ وسلم کو جو غذا اللہ تعالیٰ کی طرف سے ملا کرتی تھی، اس بارے میں علماء کے کئی اقوال ہیں ایک قول یہ ہے کہ حضور صلی اللہ علیہ وآلہ وسلم کو ہر شب جنت سے غذا ملا کرتی تھی، دوسرا قول یہ ہے کہ غذا سے مراد قوت اور توانائی ہے کہ جس کی وجہ سے صوم وصال میں بھوکے اور پیاسے رہنے کے باوجود عبادات میں کوئی فرق نہیں آتا تھا اور قول مختار یہ ہے کہ غذا روحانی مراد ہے کہ حضور صلی اللہ علیہ وآلہ وسلم کے قلب انور پر معارف اور لذت مناجات اور لطائف الٰہیہ کا فیضان ہوا کرتا تھا جس کی وجہ سے حضور صوم وصال میں سرشار رہتے اور کچھ کھانے پینے کی حاجت نہ ہوتی تھی۔ (مرقات اور اشعۃ اللمعات۔12)