Hadith 302

سعید بن ابی بردہ رضی اللہ عنہ سے روایت ہے، اور وہ اپنے والد ابو بردہ رضی اللہ عنہ سے روایت کرتے ہیں کہ ابن عمر رضی اللہ عنہما نے ابو ہریرہ رضی اللہ عنہ سے پوچھا کہ آپ وہ چیز کھا کر وضوء کرنے سے متعلق کیا کہتے ہیں جس کو آگ نے پکایا ہے؟ فرمایا: وضوء کیجئے۔ ابن عمر رضی اللہ تعالیٰ عنہما نے فرمایا: آپ چکنی چیز اور گرم پانی کی نسبت کیا فرماتے ہیں کہ آیا ان کے استعمال سے وضوء کیا جائے؟ ابو ہریرہ رضی اللہ عنہ نے کہا: تم قریشی ہو اور میں قبیلہ دوس کا ہوں۔ ابن عمر رضی اللہ عنہما نے فرمایا کہ اے ابو ہریرہ (رضی اللہ عنہ) شائد آپ (سورہ زخرف، پ:25، ع:6، آیت نمبر:58، کی) اس آیت سے استدلال کر رہے ہیں ﴿بَلْ هُمْ قَوْمٌ خَصِمُونَ﴾ (بلکہ یہ جھگڑالو قوم ہے)۔ (اس کی روایت طحاوی نے کی ہے۔)