Hadith 3032

ابن عباس رضی اللہ عنہما سے روایت ہے کہ رسول اللہ صلی اللہ علیہ وآلہ وسلم نے (غزوۂ حنین سے واپسی کے موقع پر) اپنے اصحاب رضی اللہ عنہم کے ساتھ مقام جعرانہ (جو مکہ سے طائف کے راستہ پر ایک منزل ہے) سے عمرہ ادا فرمایا۔ (عمرہ کا احرام باندھ کر جب بیت اللہ شریف میں داخل ہوئے تو) پہلی تین چکروں میں رمل فرمایا (یعنی پہلوانوں کی طرح قدموں کو قریب قریب ڈال کر اچھلتے ہوئے طواف کیا تاکہ مشرکین پر رعب طاری ہو) (رمل تو پہلی تین چکروں میں ہوا، لیکن ساتوں چکر اضطباع کی حالت میں کئے اس طرح کہ) احرام کی چادروں کو اپنے بغلوں کے نیچے سے نکال کر اپنے بائیں کندھوں میں ڈال لیا (اس طرح کہ سیدھے کندھے کھلے رہے)۔ اس کی روایت ابوداؤد نے کی ہے۔