Hadith 3188

انس رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم ارشاد فرماتے ہیں کہ (قیامت کے قریب) ہر شہر کو دجال پامال کرے گا یعنی ہر شہر میں اس کا عمل دخل ہو جائے گا بجز مکہ معظمہ، اور مدینہ منورہ کے (کہ ان دونوں مبارک شہروں پر دجال کا قابو نہ چلے گا۔ جب دجال مکہ معظمہ میں داخلہ سے مایوس ہو کر مدینہ منورہ کا رخ کرے گا تو دیکھے گا) کہ مدینہ منورہ کے ہر راستہ پر فرشتے صف بستہ نگرانی کر رہے ہیں تو دجال (فرشتوں سے دھتکارے جانے کے بعد مدینے منورہ کے باہر ایک شور زمین پر اتر جائے گا تو اس وقت مدینہ منورہ میں رہنے والوں کو تین مرتبہ جھنجھوڑے گا جس کی وجہ سے ہر کافر اور منافق مدینہ منورہ سے باہر نکل جائے گا (اور دجال سے جا ملے گا)۔ اس کی روایت بخاری اور مسلم نے متفقہ طور پر کی ہے۔