Hadith 3927

ابن عباس رضی اللہ تعالیٰ عنہما سے روایت ہے: مجھ سے عمر رضی اللہ تعالیٰ عنہ نے حدیث بیان کی کہ جب جنگ خیبر کا دن آیا تو نبی اکرم صلی اللہ علیہ وسلم کے کچھ صحابہ آئے اور انہوں نے کہا کہ فلاں شہید ہے اور فلاں ہے یہاں تک کہ وہ ایک شخص کے پاس سے گزرے تو کہا فلاں شہید ہے تو رسول اللہ صلی اللہ علیہ وسلم نے فرمایا ہرگز نہیں، میں نے اس کو آگ میں دیکھا ہے اس ایک چادر یا عباء کی بناء پر جس کو اس نے چوری کیا۔ پھر رسول اللہ صلی اللہ علیہ وسلم نے فرمایا اے ابن خطاب! تم جاؤ اور لوگوں میں تین مرتبہ اعلان کرو کہ جنت میں کوئی داخل نہیں ہوگا سوائے ایمان والوں کے۔ پس میں نکلا اور میں نے تین مرتبہ اعلان کیا: سنو جنت میں کوئی داخل نہیں ہوگا سوائے اہل ایمان کے۔ 4 (مسلم)