Hadith 3975

ابو ہریرہ رضی اللہ عنہ سے روایت ہے انہوں نے کہا: اس اثناء میں کہ ہم مسجد میں تھے، نبی اکرم صلی اللہ علیہ وسلم تشریف لائے، پس آپ صلی اللہ علیہ وسلم نے ارشاد فرمایا: یہود کی طرف چلو، پس ہم آپ صلی اللہ علیہ وسلم کے ساتھ نکلے یہاں تک کہ ہم توراة پڑھنے کے مقام پر آئے، نبی اکرم صلی اللہ علیہ وسلم کھڑے ہو گئے اور ارشاد فرمایا: اے گروہ یہود! تم اسلام قبول کرو سلامت رہو گے، تم یہ بات جان لو کہ زمین اللہ اور اس کے رسول کی ہے، اور بے شک میں تم کو اس سرزمین سے نکال دینا چاہتا ہوں، پس تم میں سے جو کوئی اپنے مال کے بدلہ کوئی چیز (قیمت) پاتا ہے تو اس کو فروخت کر دے۔ (متفق علیہ)۔