Hadith 4078

عکراش بن ذؤیب رضی اللہ تعالیٰ عنہ سے روایت ہے انہوں نے کہا: ہمارے پاس بہت ثرید اور گوشت والا ایک بڑا پیالہ لایا گیا تو میں نے اپنے ہاتھ کو اس کے اطراف میں گھمایا اور رسول اللہﷺ نے اپنے سامنے سے تناول فرمایا۔ آپﷺ نے اپنے بائیں ہاتھ سے میرے سیدھے ہاتھ کو پکڑ لیا اور پھر فرمایا: اے عکراش! ایک جگہ سے کھاؤ کیونکہ وہ ایک قسم کا کھانا ہے پھر ہمارے پاس ایک طبق لایا گیا جس میں اقسام کے کھجور تھے پس میں اپنے سامنے سے کھانے لگا اور رسول اللہﷺ کا دست مبارک طبق میں گھومنے لگا۔ آپﷺ نے فرمایا: اے عکراش جہاں سے چاہے کھاؤ 1 کیونکہ وہ ایک قسم کے نہیں ہیں پھر ہمارے پاس پانی لایا گیا تو رسول اللہ ﷺ نے اپنے دونوں ہاتھوں کو دھویا اور اپنے ہتھیلیوں کی تری سے اپنے چہرہ کا اپنے دونوں ہاتھوں کا اور اپنے سر کا مسح کیا اور فرمایا اے عکراش: یہ وضو1 ہے ان چیزوں سے جس کو آگ نے متغیر کیا ہے۔ - (ترمذی)۔ امام بخاری نے جابر رضی اللہ تعالیٰ عنہ سے روایت کیا ہے کہ ان سے ایسی چیز سے وضو کے بارے میں دریافت کیا گیا جس کو آگ نے چھو لیا ہے تو انہوں نے کہا، ہم نبی اکرم ﷺ کے زمانے میں ایسی حالت میں تھے کہ اس جیسے کھانے کم ہی پاتے تھے جب ہم اس کو پاتے تو ہمارے پاس دستیاں نہیں ہوتی تھیں سوائے ہمارے ہتھیلیوں، کلائیوں اور قدموں کے پھر ہم نماز پڑھتے تھے اور وضو نہیں کرتے تھے۔