Hadith 4425

خلاصہ کلام یہ ہے کہ یہ کہانت کی ایک قسم ہے۔ اور جو یہ لوگوں کو ان کے مقاصد سے روکتی تھی، لہذا شریعت نے اس کی نفی کی، اس کو غلط قرار دیا اور اس سے منع کر دیا اور اس کو باطل قرار دیا، اس لئے کہ اس میں نفع لانے اور ضرر دفع کرنے کی کوئی تاثیر نہیں ہے اور وہ شیطان کا عمل ہے۔ (ماخوذ از مرقات) اور اس حدیث کی بابت علماء کی مختلف تاویلات ہیں: بعض حضرات کہتے ہیں کہ ⟦?⟧ سے اس کے متعدی ہونے کی نفی اور ابطال مقصود ہے جیسا کہ ظاہرِ حدیث اور ’’عدویٰ‘‘ کے بارے میں بیان کردہ قرائن دلالت کرتے ہیں۔ اکثر علماء کا قول یہی ہے۔ اور بعض حضرات کی رائے یہ ہے کہ اس سے اس کا بطلان مقصود نہیں ہے، اس لئے کہ آپ ﷺ نے فرمایا ہے کہ ’’تم شیر سے بھاگنے کی طرح جذامی سے بھاگو‘‘ اور یہ فرمایا کہ ’’آفت رسیدہ مویشیوں کو صحت مند مویشیوں کے پاس نہ لے جایا جائے‘‘۔ بلکہ اس سے تو حضور صلی اللہ علیہ وسلم کا مقصد علماء طبیعیات کے عقیدہ کی نفی کرنا ہے، کیونکہ ان کا یہ عقیدہ تھا کہ ’’امراض متعدیہ لا محالہ اثر کرتے ہیں‘‘۔ تو آپ ﷺ نے اس حدیث شریف کے ذریعہ انہیں یہ بات بتائی کہ یہ معاملہ ایسا نہیں ہے جیسا وہ سمجھتے ہیں بلکہ اس کا تعلق تو مشیت الٰہی سے ہے کہ اگر وہ چاہے تو ہوگا اور اگر نہ چاہے تو نہیں ہوگا۔ اور آپ ﷺ کا یہ ارشاد ’’فمن أعدى الاول“ (پہلے کو کس نے بیماری لگائی) اسی معنی کو بتاتا ہے، یعنی اگر تم یہ سمجھتے ہو کہ اس کا سبب صرف متعدی ہونا ہے تو پھر سب سے پہلے کو بیماری کس نے لگائی؟ اور آپﷺ نے اپنے ارشاد ”جذامی سے بھاگ جاؤ“ اور اپنے فرمان ”آفت زدہ مویشیوں کو صحت مند مویشیوں کے پاس نہ لے جایا جائے“ کے ذریعہ یہ وضاحت فرمائی کہ اس کے قریب ہونا بیماری کا سبب ہے، لہٰذا اس سے اسی طرح بچنا چاہئے جس طرح گرتی دیوار اور شکاف زدہ کشتی سے بچا جاتا ہے۔ اور دوسرے فریق کے ان دونوں حدیثوں سے استدلال کا جواب فریق اول نے یہ دیا ہے کہ ان میں جو ممانعت آئی ہے وہ اس اندیشہ سے ہے کہ اتفاق سے دونوں باتیں بیک وقت پیش آ جائیں اور اس کی ذات کو کوئی بیماری یا اس کے مویشیوں کو کوئی آفت آ لگے تو وہ دل سے یقین کر بیٹھے گا کہ ”عدوی“ (بیماری کا متعدی ہونا) برحق ہے۔ میں کہتا ہوں: اس کو امام عسقلانی نے شرح نخبہ میں اختیار کیا ہے۔ اور ہم نے اس پر شرح نخبۃ الفکر کی شرح میں تفصیلی گفتگو کی ہے۔ جس کا خلاصہ یہ ہے کہ اس پر یہ اعتراض ہوتا ہے کہ رسول اللہ صلی اللہ علیہ وسلم نے جذامی سے بیعت کے ارادہ کے وقت اجتناب فرمایا ہے اور یہ بات منصب نبوت سے بعید ہے کہ متعدی ہونے کے خیال کو ختم کرنے کے لئے ایسا کلام فرمائیں جس سے اس کا متعدی ہونا بھی معلوم ہوتا ہو اور اس سے اجتناب کے لئے آپ کا حکم فرمانا اس سے خیال کو راہ ملتی ہے کہ امراض میں متعدی ہونے کی تاثیر ہے۔ بہرحال کوئی صورت ہو متعدی نہ ہونے کی اس میں اصلاً کوئی دلالت نہیں ہے۔ علامہ تورپشتی فرماتے ہیں: اور میں ان دونوں قولوں میں دوسرے کو زیادہ راجح سمجھتا ہوں کیونکہ اس میں اس سے متعلقہ تمام احادیث کے مابین تطبیق ہے۔ نیز اس لئے کہ پہلا قول طبی اصولوں کو معطل کر دیتا ہے، حالانکہ شریعت نے ان کو معطل نہیں کیا بلکہ ان کو ثابت کیا ہے۔ اور اس کا اعتبار اسی حد تک ہے جس کا ہم نے ذکر کیا۔ اب رہا ان کا اس سلسلے میں بیان کردہ قرائن سے استدلال کرنا: تو ہم شارع علیہ السلام کو دیکھتے ہیں کہ وہ حرام، مکروہ اور کسی ایک علت کی بناء ممنوع اور کئی علتوں کی بناء ممنوع چیزوں سے منع کرتے وقت سب یکجا کر دیتے ہیں۔ اور ہم نے جو بیان کیا، اس کی صحت کی دلیل بیعت کے لئے آنے والے جذامی سے حضور صلی اللہ علیہ وسلم کا یہ فرمانا کہ ”ہم نے تم سے بیعت لے لی تم چلے جاؤ“، یہ حضرت شرید بن سوید ثقفی کی حدیث میں ہے جو اس کے بعد مذکور ہے۔ اور اسی طرح حضور صلی اللہ علیہ وسلم کا جذامی کے ہاتھ کو پکڑ کر اپنے ساتھ پیالہ میں اس کو رکھنے کے بعد یہ فرمانا ہے کہ ”اللہ پر بھروسہ اور توکل کر کے کھاؤ“۔ اور ان دونوں حدیثوں کے مابین تطبیق کی کوئی صورت نہیں ہے سوائے اس صورت کے کہ پہلی حدیث میں آپ ﷺ نے اسباب ہلاکت سے پرہیز کرنے کو بیان فرمایا اور دوسری میں ترک اسباب کے بارے میں اللہ جلّ جلالہ پر توکل کرنا بیان فرمایا جس کے سوا کوئی معبود نہیں ہے۔ اور یہی اس کی صورت ہے۔ یہ حد درجہ تحقیق کے ساتھ عمدہ تطبیق ہے اور اللہ ہی توفیق عطا فرمانے والا ہے۔ اور نہ بدشگونی کوئی چیز ہے اور نہ ہامہ (اُلّو) کی کوئی تاثیر1 ہے اور نہ صفر کوئی چیز2 ہے۔ اور فتاویٰ عالمگیری میں ہے کہ میں نے ان سے اس جماعت کے بارے میں پوچھا جو ماہ صفر میں نہ سفر کرتے ہیں اور نہ نکاح اور دخول وغیرہ کے کام انجام دیتے ہیں اور اس بارے میں ان کی حجت نبی اکرم صلی اللہ علیہ وسلم سے مروی حدیث ”من بشرني بخروج صفر بشرته بالجنة“ (جو مجھے ماہ صفر کے گزر جانے کی خوشخبری سنائے گا میں اسے جنت کی خوشخبری دوں گا) کیا یہ حدیث درجہ صحت کی ہے؟ اور آیا اس میں نحوست ہے اور کام کرنے کی ممانعت کا بیان ہے؟ اور اسی طرح جب چاند برج عقرب میں ہوتا ہے تو لوگ سفر نہیں کرتے ہیں اور اسی طرح جب چاند برج اسد میں ہوتا ہے تو کپڑے کاٹتے ہیں نہ سیتے ہیں۔ آیا معاملہ ویسا ہی ہے جیسے یہ خیال کر رہے ہیں؟ تو انہوں نے کہا: ہاں یہ کہ لوگ صفر کے بارے میں جو کہتے ہیں تو یہ وہ بات ہے جو عرب کہا کرتے تھے۔ البتہ چاند کی برج ’’عقرب‘‘ یا ’’اسد‘‘ میں آمد کے بارے میں لوگ جو کہتے ہیں تو یہ وہ بات ہے جس کو نجومی لوگ اپنی بات کو ثابت کرنے کے لئے نبی اکرم صلی اللہ علیہ وسلم کی طرف منسوب کرتے ہوئے بیان کرتے ہیں۔ اور یہ سراسر جھوٹ ہے۔ (جواہر الفتاوی) اور جذامی آدمی سے ایسے ہی بھاگ جاؤ1 جیسا کہ تم شیر سے بھاگتے ہو۔ (بخاری)

1 قولہ: ولا هامة (اور اُلّو کی کوئی تاثیر نہیں) ”ہامہ“ ایک پرندہ کا نام ہے جس سے لوگ بدفالی لیتے ہیں اور وہ اُلّو ہے، جو ایک بڑا پرندہ ہے، جس کی بینائی دن میں کمزور پڑ جاتی ہے اور وہ رات میں اُڑتا ہے اور آواز کرتا ہے اور ویرانوں میں رہتا ہے اس کو ”بوم“ کہا جاتا ہے۔ (مرقات) 2 قولہ: ولا صفر (اور نہ صفر) امام ابو داؤد نے اپنی سنن میں بیان کیا کہ سعید بن ابقیہ نے کہا: میں نے محمد بن راشد سے اس کے بارے میں دریافت کیا تو انہوں نے کہا: لوگ صفر کی آمد سے بدشگونی لیتے تھے تو نبی اکرم صلی اللہ علیہ وسلم نے ”لا صفر“ (نہ صفر کوئی چیز ہے) فرمایا۔ اور قاضی کہتے ہیں کہ اس میں نفی ہے اس وہم کی کہ صفر میں آفات و فتن کثرت سے آیا کرتے ہیں۔ (ماخوذ از مرقات) 1 قولہ: وفرّ من المجذوم الخ (اور جذامی آدمی سے بھاگ جاؤ) یہ بات گزر چکی ہے کہ اس میں ضعیف الایمان لوگوں کے لئے رخصت ہے۔ اور قوی ایمان والوں کے لئے نہ بھاگنا جائز ہے۔ اس کی وجہ یہ ہے کہ جذام متعدی امراض میں سے ہے۔ پس اگر وہ اللہ کے حکم سے دوسرے کو لگ جائے تو اس کی وجہ سے نقصان ہو سکتا ہے۔ اور ’’لاعدوی‘‘ فرمانے کا مقصد اس اعتقاد کی نفی کرنا ہے کہ ’’بیماری اللہ سبحانہ کے فعل کے بغیر خود بخود متعدی نہیں ہوتی ہے‘‘۔ (مرقات) 1 قولہ: ولا نوء (اور نہ ستاروں کا نکلنا ڈوبنا)۔ لفظ ”نوء“، فتحہ اور سکون سے، جس کے معنی ”ایک ستارہ کا طلوع ہونا اور اس کے مقابل ستارہ کا غروب ہونا“ ہے۔ ایک ستارہ مشرق میں ہوتا ہے اور دوسرا مغرب میں۔ اور اہل جاہلیت کا یہ عقیدہ تھا کہ ایسے وقت میں ضرور بارش برستی ہے یا ہوا چلتی ہے۔ تو اس کو یہ لوگ نکلنے یا ڈوبنے والے ستارہ کی طرف منسوب کیا کرتے۔ پس آپ ﷺ نے اس کی صحت کی نفی فرمادی۔ اور نبی اکرم صلی اللہ علیہ وسلم نے کافروں کے معاملہ میں اسی لئے سخت اسلوب اختیار فرمایا کہ عرب بارش کو اس کی طرف منسوب کر دیتے تھے۔ 2 قولہ: ولا غول (اور غول کوئی چیز نہیں) ملا علی قاری نے مرقات میں فرمایا ہے کہ حضور صلی اللہ علیہ وسلم کے ارشاد ”لا غول“ میں نفس غول اور اس کے وجود کی نفی نہیں ہے، بلکہ اس میں تو اس کے مختلف صورتیں اختیار (حاشیہ صفحہ گزشتہ) کرنے اور اس کے اچک لینے کا جو خیال عرب کا تھا، اس کا ابطال کرنا ہے۔ پس آپﷺ کے ارشاد ’’لا غول‘‘ کے معنی یہ ہیں کہ وہ کسی کا راستہ گم نہیں کر سکتے۔ اور نوشتنی کی شرح میں ہے کہ امام طحاویؒ نے کہا: یہ ہو سکتا ہے کہ غول بیابانی پہلے ہوا کرتا تھا پھر اللہ تعالیٰ نے اس کو اپنے بندوں سے ہٹا دیا ہو۔ اور بعض علماء سے منقول ہے کہ یہ ناممکن نہیں ہے۔ اس لئے کہ یہ بات ہمارے نبی اکرم صلی اللہ علیہ وسلم کی بعثت کی خصوصیات میں سے ہو سکتی ہے، شیاطین کے چوری چھپے شہاب ثاقب کے ذریعہ سننے کو منع کر دیا جانا اس کی نظیر ہے۔

اور شاہ ولی اللہ صاحبؒ نے ”المسوّیٰ“ میں لکھا ہے کہ میرے نزدیک کائنات میں صرف ذات واجب الوجوب کی قدرت کے سوا کوئی چیز مؤثر نہیں۔ البتہ دنیا میں فطری طور پر کچھ اسباب و مسبّبات ہیں، انہی پر قصاص اور قاتل سے خون کا بدلہ لینے وغیرہ کے احکام کا دارومدار ہے۔ پھر ان اسباب میں سے بعض ظاہر ہوتے ہیں: جیسے قتل کے لئے تلوار سے مارنا اور مر جانے کے لئے کسی کو طویل وقفہ تک کھانے پانی سے روکے رکھنا۔ اور ان میں سے بعض پوشیدہ ہیں: مثلاً بیماری کا ایک سے دوسرے کو لگنا۔ اور شریعت نے پوشیدہ اسباب کی جو نفی کی وہ اس معنی میں ہے کہ ان پر کسی حکم کا دارومدار نہیں ہے۔ اور مثال کے طور پر اگر کوئی اپنے بیمار مویشیوں کو دوسرے کے تندرست مویشیوں کے پاس لے آئے تو ان کا آپس میں جھگڑا کرنا درست نہیں۔ اور عرب بسا اوقات کسی چیز کی مطلقاً نفی کرتے ہیں لیکن مراد اس سے ایک اعتبار سے نفی ہوتی ہے اور ایک اعتبار سے نفی نہیں۔