Hadith 5183

سیدنا عبداللہ بن عمرو بن العاص رضی اللہ تعالیٰ عنہما سے روایت ہے، نبی اکرم ﷺ نے فرمایا: تمہارا کیا حال ہوگا جب تم لوگوں کے بھوسے میں رہ جاؤ گے اور ان کے عہد و پیمان اور امانتیں گڈمڈ ہو جائیں گی اور وہ آپس میں اختلاف1 کریں گے اور وہ اس طرح ہو جائیں گے، آپ نے اپنی انگلیوں کے درمیان جال ڈالا تو انہوں نے عرض کیا: آپ مجھے کیا حکم فرماتے ہیں: تو آپ نے فرمایا: تم اس چیز کو جس کو تم نیکی جانتے ہو اختیار کرو اور جس کو تم برائی سمجھتے ہو اس کو چھوڑ دو اور تم خاص اپنے نفس کو اختیار کرلو اور عوام کے معاملات سے اپنے کو علیحدہ کرلو۔ اور ایک روایت میں ہے اپنے گھر کو لازم کرلو اور اپنی زبان کو اپنے اوپر قابو میں رکھو اور جو نیکی تم جانتے ہو اس کو اختیار کرلو اور جس کو تم برائی سمجھتے ہو اس کو چھوڑ دو اور تم خاص اپنے نفس کو اختیار کرلو اور عوام کا معاملہ چھوڑ دو۔ (ترمذی) اور امام ترمذی نے اس کو صحیح قرار دیا ہے۔