Hadith 5369

۔۔۔باقی حاشیہ۔۔۔(2) ایک قوم کو جنت میں بغیر حساب و کتاب کے داخل کرنا اور یہ شفاعت بھی ہمارے نبی کریم صلی اللہ علیہ وسلم کے لئے ہوگی۔

۔۔۔باقی حاشیہ۔۔۔کھینچی پس وہ تمہارے ہاتھوں نے کیا ہے۔ پس اسی طرح آخرت اگرچہ وہ بدلہ کا مقام ہے لیکن کبھی اس میں آزمائش تجلی اور سجدہ وغیرہ کے ذریعہ بھی واقع ہو جاتی ہے، اس کی دلیل یہ ہے کہ قبر آخرت کے منازل میں پہلی منزل ہے جس میں آزمائش ہوتی ہے۔ میں کہتا ہوں سب سے راجح بات وہ ہے جس کو امام عسقلانی نے کہا کہ تحقیق یہ ہے کہ مکلف کرنا، دنیا کے ساتھ خاص ہے۔ اب رہا وہ چیزیں جو قبر اور حشر میں وقوف کے دوران واقع ہوتی ہیں وہ سب اس کے آثار و علامات میں سے ہیں۔ (مرقات)۔ 1 قوله فيقولون اللهم سلم سلم۔ (اے اللہ! حفاظت فرما، حفاظت فرما) یعنی انبیاء و مرسلین یہ دعا ء کریں گے اور اس کی دلیل حضرت ابو ہریرہ رضی اللہ تعالیٰ عنہ کی حدیث ہے۔ (مرقات)۔ 2 قوله فناج الخ (پس نجات پانے والے) پل صراط پر گزرنے والے مومنین کو تین فرقوں میں منقسم کیا گیا؛ ایک قسم جو سلامتی والی ہے جس کو کوئی چیز اصلاً نہیں پہنچے گی اور ایک قسم جن کو فولادی آنکڑے سے زخمی کیا جائے گا پھر چھوڑ دیا جائے گا، تو وہ نجات پالیں گے، اور ایک قسم جن کے ہاتھ پاؤں کو اٹھا باندھ کر ڈال دیں گے تو وہ جہنم میں گر جائیں گے۔ (مرقات)۔ 3 حتى اذا اخلص الخ طیبی رحمۃ اللہ علیہ نے کہا: لفظ ”حتی“ آپ صلی اللہ علیہ وسلم کے ارشاد ”مكدوس في نار جهنم“ (دوزخ کی آگ میں ہاتھ پاؤں باندھ کر ڈالا گیا) کی غایت ہے، معنی یہ ہوں گے کہ ہاتھ پاؤں باندھ کر دوزخ میں ڈالے جائیں گے یہاں تک کہ وہ اپنے گناہ کے بقدر عذاب پانے کے بعد یا کسی کی شفاعت یا اللہ سبحانہ و تعالیٰ کے فضل و کرم سے نجات پائیں گے۔ 1 قوله فوالذي نفسي بيده الخ (اس ذات کی قسم جس کے قبضہ قدرت میں میری جان ہے) یہ ”اذا“ کا جواب ہے اور آپ کا ارشاد ”ما من احدمنكم“ (تم میں سے کوئی نہیں ہے) مومنین سے خطاب ہے، آپ کا ارشاد ”بأشد“ ”ما“ کی خبر ہے، آپ کا قول ”مناشدة“، تمیز کی بناء پر منصوب ہے، معنی یہ ہے کہ سخت ترین مطالبہ و مناظرہ کرنے والے، اور آپ کا ارشاد ”في الخلق“، ”مناشدة“ کا ظرف ہے، آپ کا قول ”قد تبين لكم“ ”الحق“ کی صفت ہے، کیونکہ ”الحق“ نکرہ کے معنی میں ہے یعنی ایک ایسے حق کے بارے میں جو تمہارے لئے اپنے فریق مخالف کے خلاف ظاہر و ثابت ہوا ہو۔ آپ کا قول ”من المؤمنين“، ”اشد“ کے متعلق ہے، یعنی تم سے زیادہ سخت مطالبہ کرنے والے، پس اسم ظاہر کو ضمیر کی جگہ رکھ دیا گیا۔ آپ کا قول ”لله“، مناشدہ کے متعلق ہے، اور آپ کا ارشاد ”يوم القيامة“ ”اشد“ کا ظرف ہے یعنی وہ اللہ تعالیٰ سے مطالبہ کریں گے۔ آپ کا ارشاد ”لاخوانهم“ کا مطلب یہ ہے کہ وہ اپنے ان بھائیوں کے خاطر جو دوزخ میں ہیں جبار وغفار سے شفاعت کا تقاضہ کریں گے۔ امام نووی رحمۃ اللہ علیہ نے کہا: اس کے معنی یہ ہیں کہ تم میں سے کوئی دنیا میں اپنے کامل حق کو لینے اور اپنے فریق مخالف سے اسکو مکمل حاصل کرنے کے لئے اللہ تعالیٰ سے ایسا سخت ترین مطالبہ نہیں کرتا جس طرح تم اللہ تعالیٰ سے قیامت کے دن اپنے بھائیوں کی شفاعت کے لئے کرو گے۔ ہمارے علماء میں سے ایک شارح کا قول ہے کہ اس کے معنی یہ ہے کہ تم میں سے کوئی جب تمہارے لئے کوئی حق کا معاملہ ظاہر ہو تو حق کے مطالبہ میں ان مومنین سے بڑھ کر محنت و مبالغہ نہیں کرتے جو وہ قیامت کے دن اپنے گنہگار دوزخی بھائیوں کو دوزخ سے خلاصی کے لئے مطالبہ کریں گے۔ پھر ان کے مطالبہ کو ”يقولون ربنا“ (وہ کہیں گے اے ہمارے پروردگار) کے قول سے ظاہر کیا گیا۔ 1 قوله فمن وجدتم في قلبه دينار من خير (پس جس کے دل میں تم ایک دینار برابر بھلائی پاتے ہو) شرح میں ہے قاضی عیاض رحمتہ اللہ علیہ نے فرمایا: کہا گیا کہ یہاں خیر کے معنی یقین کے ہیں، انہوں نے کہا: صحیح بات یہ ہے کہ اس کے معنی کوئی ایسی چیز کے ہیں جو نفس ایمان پر زائد ہو؛ کیونکہ نفس ایمان وہ صرف تصدیق ہے جس کا کوئی جز نہیں ہوتا، بلا شبہ اجزاء کا ہونا کسی ایسی چیز میں ہوتا ہے جو زائد ہوتی ہے جیسے عمل صالح یا ذکر خفی یا اعمال قلب میں سے کوئی عمل مثلاً کسی مسکین پر شفقت کرنا یا اللہ تعالیٰ سے خوف کرنا اور سچی نیت۔ (مرقات)۔ 2 قوله لم نذر فيها خيرا (ہم نے اس میں کوئی بھلائی (والا) نہیں چھوڑا) یعنی خیر سے اہل خیر مراد ہے پس خیر کو ذات کے مقام میں رکھا گیا جس طرح مبالغہ کے لئے عدل کو ذات کے مقام میں رکھا جاتا ہے یا یہ مضاف کی تقدیر پر ہے یعنی صاحب عدل، جیسا کہ اللہ تعالیٰ کا ارشاد ہے: پس آپ گاؤں سے پوچھئے گاؤں والوں سے پوچھئے۔ (مرقات)۔ 3 قوله لم يعملوا خيرا قط (انہوں نے کبھی کوئی کار خیر نہیں کیا) یعنی ان کے پاس کوئی ایسی بھلائی نہیں ہے جو نفس ایمان پر زائد ہو۔ امام نووی نے کہا: اس میں ایمان کی کمی و زیادتی پر دلیل ہے اور یہی اہل سنت کا مذہب ہے۔ میں کہتا ہوں: اہل سنت کے محققین اس بات پر متفق ہیں کہ تصدیق ہی با تحقیق ایمان ہے وہ زیادتی کو قبول نہیں کرتا، بلا شبہ تفاوت اس کے انوار و ثمرات اور نتائج یعنی حقائق ایقان و دقائق عرفان میں ہوتا ہے۔ (مرقات)۔ 1 قوله الجنة فى حميل السيل (دانہ سیلاب کے کوڑا کرکٹ میں) حمیل السیل سے مراد وہ کوڑا کرکٹ اور مٹی مراد ہے جسکو سیلاب اٹھا کر لاتا ہے۔ پس جب سیلاب میں دانہ آتا ہے اور سیلاب کے بہنے کے مقام کے کنارے میں جم جاتا ہے تو ایک دن اور ایک رات میں اگ جاتا ہے اور یہ سب سے تیز؛ اگنے والا ہوتا ہے۔ امام نووی رحمۃ اللہ علیہ نے کہا: یقیناً اللہ سبحانہ وتعالیٰ نے انکو دانہ سے تشبیہ اسکے جلد اگنے اور اسکے حسن اور اسکی طراوت کی وجہ سے دی ہے۔ انتہیٰ۔ پس تشبیہ جلد ظاہر ہونے میں دی گئی ہے۔ (مرقات)۔ 2 قوله بشفاعة رجل الخ (ایک شخص کی شفاعت سے) کہا گیا ہے کہ ایک شخص سے مراد حضرت عثمان بن عفان رضی اللہ عنہ مراد ہے اور ایک قول میں اویس قرنی رضی اللہ تعالیٰ عنہ ہے اور ایک قول میں انکے سواء کوئی دوسرے ہے۔ علامہ زین العرب رحمہ اللہ یہ فرماتے ہیں کہ یہ قول زیادہ صحیح ہے۔ (مرقات)۔ 1 من امتي (میری امت کے) اس سے میری امت کے بعض افراد علماء، شہداء اور صالحین مراد ہیں آپ کا ارشاد ”حتى يدخلوا الجنة“ معنی یہ ہیں کہ ”یہاں تک کہ ساری امت جنت میں داخل ہو جائے گی“۔(مرقات)۔ 2 قوله للعصبة (ایک جماعت کے لئے) ضمہ پھر سکون کے ساتھ اور وہ دس سے چالیس مرد حضرات پر بولا جاتا ہے اور اس کے لفظ سے اس کا واحد نہیں آتا۔ صحیح ترین قول یہ ہے کہ اس سے مراد جمع ہے اگرچہ دو افراد ہی کیوں نہ ہوں آپ کا ارشاد ہے ”ان میں سے بعض ایک آدمی کے لئے شفاعت کریں گے“ یہ بھی کہا جا سکتا ہے کہ لفظ عصبہ ایک سے زائد چالیس تک کے افراد کو شامل ہے؛ کیونکہ اس میں لفظ رجل (مفرد) کی دلالت صراحت کے ساتھ مذکور ہے اسی طرح لفظ رجل قیاس خفی کے ذریعے عورت کو بھی شامل ہے۔ 3 قوله انا الذي سقيتك شربة الخ (میں وہی ہوں جس نے تجھ کو ایک گھونٹ پانی پلایا تھا) حضرت مظہر نے کہا : اس میں مسلمانوں کے ساتھ خصوصاً صالحین کے ساتھ حسن سلوک کرنے اور ان کے ساتھ بیٹھنے اور ان سے محبت رکھنے کی ترغیب ہے، کیونکہ ان سے محبت رکھنا دنیا میں زینت اور آخرت میں نور ہے۔(مرقات)۔ 1؎ قوله فيقال لهم الجهنميون الخ (تو انہیں جہنمی کہا جائے گا) علامہ طیبی رحمہ اللہ نے کہا: جہنمی کی نسبت سے ان کا نام رکھنا ان کی تنقیص کے لئے نہیں بلکہ (اپنی سابقہ حالت) یاد کرنے کیلئے ہے تا کہ ان کی خوشی و شادمانی اور فرحت و بہجت دوبالا ہو جائے اور اس لئے بھی کہ یہ اس بات کی نشانی ہو جائے کہ یہ لوگ دوزخ سے اللہ کے آزاد کردہ ہیں۔ (مرقات)۔ 1؎ قوله زدنا (ہمیں اور زیادہ دیجئے) اس میں اس بات کی دلیل ہے کہ حضور صلی اللہ علیہ وسلم کو اخروی معاملات اور پروردگارانہ تصرفات میں اپنے رب کے عطا کردہ عظیم رتبہ اور اعلیٰ خصوصیت کی وجہ سے دخل حاصل ہے۔ بعض عارفین نے کہا ہے: جس بات کی طرف حضرت ابوبکر گئے ہیں وہ عاجزی وانکساری اور مسکنت وبیچارگی کے باب سے ہے اور جس بات کی طرف حضرت عمر گئے ہیں وہ تفویض وبے پرگی اور تسلیم ورضا کے باب سے ہے۔ میں کہتا ہوں تسلیم کرنا ہی زیادہ امن و سلامتی کا باعث ہے۔ (مرقات)۔ 1؎ قولہ: فيقول رب اني لا ارجو الخ (تو وہ کہے گا میرے پروردگار میں امید کرتا ہوں) تو پہلا شخص خوف خدا اور تعمیل حکم کے ذریعہ اطاعت کیا، اور دوسرا شخص اپنے علم اور امید و رجاء کے مطابق عمل کیا۔ (مرقات)۔ 2؎ قول فيلتفت احدهم الخ (تو ان میں سے ایک پلٹے گا) پس چار اشخاص میں سے ایک کا ہی ذکر کیا اور اسی کیلئے نجات کا فیصلہ کیا گیا اور مذکورہ حکم پر اعتماد کرتے ہوئے تینوں کا ذکر ترک کر دیا گیا؛ کیونکہ دوزخ سے نکالنے اور اس سے نجات دینے میں علت ایک ہی ہے۔ (مرقات)۔ 1؎ قوله حرم الله على النار ان تأكل أثر السجود الخ (اللہ تعالیٰ نے آگ پر سجدوں کے نشان کھانے کو حرام کیا ہے) امام نووی رحمۃ اللہ علیہ نے کہا: ظاہر بات یہ ہے کہ آگ سجدوں کے سات (۷) اعضاء کو نہیں کھاتی ہے اور وہ پیشانی اور دونوں ہاتھ اور دو گھٹنے اور دونوں قدم ہیں اور قاضی عیاض رحمۃ اللہ علیہ نے کہا: اس سے مراد سجدے کا نشان خاص طور پر پیشانی ہے اور پہلا قول ممتاز ہے۔۔۔۔ بقیہ حاشیہ اگلے صفحہ پر۔۔۔ ---باقی حاشیہ---میں کہتا ہوں کہ جو کچھ قرآن اور مسلم کی روایت میں گزرا، وہ دوسرے قول کی تائید کرتا ہے، جو مضمون سابق میں گزرا اس سے چہرہ کا پھیرا جانا ہی قریب الی الفہم ہے۔ آگ پر ان کی صورتوں کو حرام کر دیا جائیگا، پس یہی بات قابل اعتماد ہے۔ (مرقات)۔ 1 قَوْلُه فَيُصَبُّ عليهم ماء الحياة الخ (ان پر آب حیات ڈالا جائیگا) اور یہ بات گزر چکی ہے کہ ان کو نہر حیات میں ڈالا جائیگا، اور یہ بھی ہو سکتا ہے کہ مختلف اشخاص کے لحاظ سے حکم جداگانہ ہوگا۔ (مرقات) اور لمعات میں ہے کہ یہ بھی ہو سکتا ہے کہ پانی ڈالنے کی صورت یہ ہوگی کہ انہیں نہر حیات میں ڈالا جائے۔ 2 قَوْلُه هل عسيت ان افعل ذلك ان تسأل غير ذلك الخ (ممکن ہے کہ اگر میں ایسا کردوں تو تو اس کے سوا مانگے) علامہ طیبی رحمۃ اللہ علیہ نے کہا: اگر تم یہ کہو کہ یہ کلام اللہ تعالیٰ کی طرف سے کیسے صحیح ہے جبکہ وہ ما کان وما یکون کو جاننے والا ہے؟ میں کہتا ہوں کہ اس کے معنی یہ ہے کہ اے بنی آدم تم سے یہ جو دیکھا گیا کہ تم وعدہ کو معمولی سمجھتے ہو اور عہد شکنی کرتے ہو، اس کی بناء پر واقعی تم اس بات کے سزاوار ہو کہ تم سے کہا جائے: ”اے اس طرح کے لوگو! تمہارا کیا خیال ہے کہ تم سے اس کی توقع کی جا سکتی ہے یا نہیں؟“ حاصل کلام یہ ہے کہ ”عسی“ کے معنی مخاطب کے لحاظ سے ہے نہ کہ اللہ تعالیٰ کی نسبت سے، اور یہ ڈھیل دینے اور موقع فراہم کرنے کے باب سے ہے اور مخاطب کو اپنی حالت اور معاملہ پر غور و فکر کرنے پر آمادہ کرنے کیلئے ہے تاکہ وہ خود کے ساتھ انصاف کرے اور حق کا یقین کرے۔ (مرقات)۔ 1 قوله فيقول يا رب لا تجعلني اشقى خلقك (تو بندہ کہے گا اے میرے رب مجھ کو تیری مخلوق کا بدبخت شخص مت بنا) حضرت طیبی رحمة اللہ علیہ نے فرمایا: تم یہ کہیں کہ یہ جواب اللہ تعالیٰ کے قول ”اليس قد اعطيت العهود والميثاق“ (کیا تو عہد و پیمان نہیں دیا تھا) کے مطابق کیسے ہوگا؟ تو میں کہتا ہوں گویا کہ اس نے کہا: کیوں نہیں اے میرے رب میں تو عہد و پیمان دیا تھا لیکن میں تیرے کرم اور تیرے عفو و درگزر اور تیری رحمت اور تیرے اس فرمان کے بارے میں غور و فکر کیا کہ ”وَلَا تَايْـَٔسُوْا مِنْ رَّوْحِ اللّٰهِ ۖ اِنَّهٗ لَا يَايْـَٔسُ مِنْ رَّوْحِ اللّٰهِ اِلَّا الْقَوْمُ الْكٰفِرُوْنَ“، تو میں نتیجہ پر پہنچا میں تو کافروں میں سے نہیں ہوں جو کہ تیری رحمت سے مایوس ہوگئے ہیں اور میں تیرے کرم اور تیری رحمت کی کشادگی کی حرص کیا چنانچہ میں اسکا سوال کیا، گویا کہ اللہ تعالیٰ اس قول کی وجہ سے اس سے راضی ہوا اور مسکرایا انتهى، اور یہ ”فلا يزال يدعو حتى يضحك الله“ کا معنی ہے۔ (مرقات)۔ 1 قوله وعشرة امثاله (اور اس جیسی دس گنا) یعنی دس گنا جو چیزیں ہیں کیفیت کے اعتبار سے ہیں اگرچہ کہ اسکی کمیت و مقدار میں اسکے برابر ہی ہوں اور اس تاویل سے تعارض دفع ہوجائے گا اور اختلاف ختم ہوجائے گا اللہ تعالیٰ زیادہ بہتر جانتا ہے۔ (مرقات)۔ 2 قوله شعار المؤمنين الخ (اہل ایمان کی نشانی) شعار کتاب کے وزن پر ہے، جسکے معنی جنگ اور سفر میں رکھی جانے والی علامت کے ہیں، اور یہ کلمہ تمام اہل ایمان کی علامت ہے۔ اُسی سے اُنکی شناخت ہوگی کہ وہ مومن ہیں۔ (لمعات)۔ اور ملا علی قاری رحمۃ اللہ علیہ نے مرقات میں لکھا ہے کہ اور یہ بھی ہوسکتا ہے کہ تمام اہل ایمان کی علامت یہ ہوگی کہ انبیاء کرام علیہم السلام انکے حق میں یہ دعاء کرینگے، اور اسکی تائید اس حدیث سے ہوتی ہے جس کو طبرانی نے سیدنا ابن عمر رضی اللہ تعالیٰ عنہما سے روایت کیا ہے کہ پل صراط پر میری امت کی علامت ”يا لا اله الا أنت“ (اے اللہ تیرے سوا کوئی خدا ئے معبود نہیں) ہوگی، اور ان روایات کے مابین اس طور پر تطبیق دی جاسکتی ہے کہ یہ اس امت کی خصوصیات سے ہے اور پہلی علامت تمام امتوں کی ہے، اور واضح ترین بات یہ ہے کہ ”رب سلم سلم“ کا کلام اُن باعمل علماء، شہداء اور صالحین کی علامت ہوگی جو مومن کامل ہیں اور جنہیں انبیاء و رسل کی تابعداری میں مقام شفاعت نصیب ہوگا۔