بَابُ التَّطَوُّع

اس حدیث سے معلوم ہوا کہ وضوء کے بعد دو رکعت تحیۃ الوضوء پڑھنا مستحب ہے اور اس کی بڑی فضیلت ہے)۔

بخشنے والا نہیں اور مجھ عاجز کو آپ کے عذاب کی طاقت نہیں، اس لئے آپ کے غصہ سے ڈر رہا ہوں۔ اپنے گناہوں سے معذرت چاہتے ہوئے عرض کرتا ہوں الٰہی! آپ کا بھاگا ہوا بندہ آپ کے در پر آ پڑا ہے، اگر آپ میرے گناہوں کو نہیں معاف کریں گے تو میں کہیں کا نہ رہوں گا آپ محض اپنے فضل و کرم سے اپنے نبی دربار کے صدقہ سے میرے حال پر بجائے غضب کے رحمت کی نظر فرمائیے! جو ہو گیا سو ہو گیا، اب گناہ نہ کرنے کا ارادہ کر کے آیا ہوں، آپ مجھے اپنی رحمت سے مایوس نہ کیجئے میرے تمام گناہوں کو معاف کر دیجئے، آئندہ مجھ کو گناہوں سے بچائے رکھئے۔ آپ کا نام غفور و غفار ہے، آپ کی شان کے یہی سزاوار ہے، جب بندہ گناہوں سے توبہ کرتا ہے تو آپ اس پر نہایت مہربان ہو کر اس کے سب گناہ بخش دیتے ہیں، اس لئے میرے بھی تمام گناہ بخش دیجئے آپ کے فضل و کرم سے امید لگایا ہوا ہوں، اس لئے آپ میرے تمام گناہ بخش دے کر گناہوں کی جگہ نیکیاں لکھ دیجئے یہ آپ کے فضل و کرم سے کچھ دور نہیں، جب کوئی گنہگار اس طرح سے نماز پڑھتا اور دعا کرتا ہے تو اللہ تعالیٰ (بڑے رحیم ہیں اس کے تمام گناہ معاف کر دیتے ہیں (اور اس کے گناہوں کے بدلے نیکیاں لکھ دیتے ہیں) (صدر میں جو ارشاد ہوا ہے اس کی تائید میں) رسول اللہ صلی اللہ علیہ وآلہ وسلم نے ذیل کی یہ آیت تلاوت فرمائی: (سورہ آل عمران پ4ع14، آیت نمبر:13-136) وَالَّذِينَ اِذَا فَعَلُوا فَاحِشَةً اَوْ ظَلَمُوا اَنْفُسَهُمْ ذَكَرُوا اللّٰهَ فَاسْتَغْفَرُوا لِذُنُوبِهِمْ وَمَنْ يَّغْفِرُ الذُّنُوبَ اِلَّا اللّٰهُ وَلَمْ يُصِرُّوا عَلٰى مَا فَعَلُوا وَهُمْ يَعْلَمُونَ ۝ اُولٰئِكَ جَزَآؤُهُمْ مَّغْفِرَةٌ مِّنْ رَّبِّهِمْ وَجَنّٰتٌ تَجْرِيْ مِنْ تَحْتِهَا الْاَنْهٰرُ خٰلِدِينَ فِيهَا وَنِعْمَ اَجْرُ الْعٰمِلِينَ ۝ اور وہ لوگ جن کا حال یہ ہے کہ (بہ تقاضائے بشریت) جب کوئی کبیرہ گناہ کر بیٹھتے ہیں یا کوئی صغیرہ گناہ کر کے اپنے دین کا نقصان کر لیتے ہیں تو خدا کے غضب کو یاد کر کے اپنے کئے پر نادم ہوتے اور پچھتاتے ہیں اور بہت گڑگڑا کر اللہ تعالیٰ سے اپنے گناہوں کی معافی چاہتے ہیں، خدا کے سوا بندوں کے گناہوں کا معاف کرنے والا اور ہے ہی کون؟ اور جو گناہ کرتے ہیں اس پر جان بوجھ کر اصرار نہیں کرتے۔ یہی وہ لوگ ہیں جن کا بدلہ اللہ تعالیٰ کی طرف سے بخشش کی صورت میں ملتا ہے اور آخرت میں ان کے لئے باغات ہیں جن کے نیچے نہریں بہتی ہیں یہ لوگ اس میں ہمیشہ ہمیشہ رہیں گے اور توبہ کر کے نیک کام کرنے والوں کے لئے کیسے اچھے اجر ہیں۔ (اس کی روایت ترمذی نے کی ہے اور ابن ماجہ نے بھی اس کی روایت کی ہے لیکن ابن ماجہ میں اس آیت کا ذکر نہیں ہے۔)