Hadith 1481

ابو ہریرہ رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا کہ مردوں کی صفوں میں (فضیلت اور ثواب کے اعتبار سے) سب سے بہتر اگلی صف ہے (کیونکہ یہ امام سے قریب اور عورتوں سے دور ہوتی ہے) اور مردوں کی صفوں میں سب سے بدتر پچھلی صف ہے (اس لئے کہ یہ عورتوں سے قریب اور امام سے دور ہوتی ہے، البتہ جماعت میں عورتوں کی صفیں نہ ہوں بلکہ صرف مردوں ہی کی صفیں ہوں تو ایسی صورت میں مردوں کی آخری صف امام سے دور ہونے کی وجہ سے فضیلت اور ثواب میں سب سے کمتر ہوگی) اور عورتوں کی صفوں میں سب سے بہتر پچھلی صف ہے (کیونکہ یہ مردوں سے دور ہوتی ہے) اور عورتوں کی صفوں میں سب سے بدتر اگلی صف ہے (اس لئے کہ مردوں سے قریب ہوتی ہے)۔ (اس کی روایت مسلم نے کی ہے۔)