Hadith 1482

ابو امامہ رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا کہ اللہ تعالیٰ پہلی صف پر اپنی رحمت نازل فرماتے ہیں اور فرشتے ان کے لئے دعائے مغفرت کرتے ہیں، صحابہ رضی اللہ عنہم نے عرض کیا: یا رسول اللہ صلی اللہ علیہ وآلہ وسلم دوسری صف کے لئے (بھی یہی فرما دیجئے) تو رسول اللہ صلی اللہ علیہ وآلہ وسلم (دوسری بار بھی) ارشاد فرمایا کہ اللہ تعالیٰ پہلی صف پر اپنی رحمت نازل فرماتے ہیں اور فرشتے ان کے لئے دعائے مغفرت کرتے ہیں، صحابہ نے عرض کیا: یا رسول اللہ صلی اللہ علیہ وآلہ وسلم دوسری صف کے لئے (بھی یہی فرما دیجئے) تو رسول اللہ صلی اللہ علیہ وآلہ وسلم نے (تیسری بار بھی یہی) ارشاد فرمایا کہ اللہ تعالیٰ پہلی صف پر اپنی رحمت نازل فرماتے ہیں اور فرشتے ان کے لئے دعاء مغفرت کرتے ہیں، صحابہ کرام نے پھر عرض کیا یا رسول اللہ صلی اللہ علیہ وآلہ وسلم دوسرے صف کے لئے (بھی یہی ارشاد فرما دیجئے) تو رسول اللہ صلی اللہ علیہ وآلہ وسلم نے (چوتھی بار) ارشاد فرمایا کہ دوسری صف پر (بھی اللہ تعالی اپنی رحمت نازل فرماتے ہیں، اور فرشتے ان کے لئے دعائے مغفرت کرتے ہیں) اور رسول اللہ صلی اللہ علیہ وآلہ وسلم نے یہ بھی ارشاد فرمایا کہ تم اپنی صفوں کو سیدھی کرو، اور مونڈھوں کو ایک دوسرے کے برابر رکھو (یعنی آگے پیچھے نہ ہو) اور نرم ہو جاؤ اپنے بھائیوں کے ہاتھوں میں (یعنی کوئی مونڈھے پر ہاتھ رکھ کر صف میں برابر کرے تو اس کا کہا مانو) اور صف میں شیطان کے لئے خالی جگہ نہ چھوڑو کیونکہ شیطان بکری کے بچہ کی طرح بن کر تمہارے درمیان (صف کی خالی جگہ میں) گھس جایا کرتا ہے۔ (اس کی روایت امام احمد نے کی ہے۔)