اردو
Urdu OCR, pending reviewNoor 2064
ابو بردہ بن ابی موسی اشعری رضی اللہ عنہ سے روایت ہے وہ کہتے ہیں کہ میں
نے اپنے والد حضرت ابو موسی رضی اللہ عنہ کو یہ فرماتے سنا ہے کہ حضرت رسول اللہ صلی اللہ علیہ وآلہ
وسلم ارشاد فرماتے تھے کہ جمعہ کی وہ ساعت جس میں دعاء قبول ہوتی ہے امام کے (پہلے خطبہ کے
لئے) منبر پر بیٹھنے کے وقت سے لے کر فرض جمعہ کے ختم ہونے کے درمیان میں کسی وقت آ جاتی ہے۔
(اس کی روایت مسلم نے کی ہے۔)
Possible references (unverified, pending editorial review)
- Candidate: Sahih Muslim 853 (unverified) 99% confidence
Confidence and text similarity are not editorial verification.
Commentary and footnotes (1)
Note 1
ف: اس حدیث شریف میں ارشاد ہے کہ جمعہ کی وہ ساعت جس میں دعاء مقبول ہوتی ہے وہ امام کے خطبہ کے لئے منبر پر بیٹھنے کے وقت سے لے کر فرض جمعہ کے ختم تک رہتی ہے حالانکہ خطیب کے خطبہ بیان کرنے کے وقت انصات یعنی چپ رہنے کا حکم ہے اور نماز میں تو بات کر ہی نہیں سکتے پھر دعا کا کیا موقع ملے گا۔ اس بارے میں صاحب مرقات نے علامہ بلقینی رحمہ اللہ کے حوالہ سے لکھا ہے کہ دعاء کے لئے زبان سے تلفظ شرط نہیں ہے، صرف دل میں دعاء کا خیال رکھنا کافی ہے۔ ایسا خیال رکھنے سے بھی قبول ہو جاتی ہے (مرقات)۔