Hadith 3497

حضرت جابر رضی اللہ تعالیٰ عنہ سے روایت ہے کہ جب نبی اکرم صلی اللہ علیہ وسلم نے مدینہ کی طرف ہجرت فرمائی تو طفیل بن عمرو دوسی نے بھی آپ ﷺ کی طرف ہجرت کی۔ اور ان کے ساتھ ان کی قوم کا ایک آدمی (بھی) تھا جو بیمار ہو گیا۔ پھر اس نے بیقرار ہو کر اپنے تیر کی پیکان لی اور اپنی انگلیوں کے جوڑ کو کاٹ لیا۔ اور اس کے دونوں ہاتھوں سے خون بہنے لگا؛ یہاں تک کہ وہ مر گیا۔ پھر طفیل بن عمروؓ نے اس کو خواب میں دیکھا کہ اس کی حالت اچھی ہے اور دیکھا کہ وہ اپنے دونوں ہاتھوں کو ڈھانکے ہوئے ہے۔ انہوں نے اس سے پوچھا کہ تمہارے پروردگار نے تمہارے ساتھ کیا سلوک کیا؟ اس شخص نے کہا کہ اللہ تعالیٰ نے نبی کریم صلی اللہ علیہ وسلم کی طرف ہجرت کرنے کی وجہ سے میری مغفرت فرما دی۔ انہوں نے دریافت کیا کہ کیا بات ہے میں تم کو اپنے دونوں ہاتھ ڈھانکے ہوئے دیکھ رہا ہوں؟ اس شخص نے کہا: مجھ کو کہا گیا ہے جو تم نے اپنے سے بگاڑ دیا ہے ہم اس کو ہرگز درست نہیں کریں گے۔ چنانچہ حضرت طفیلؓ نے (یہ) قصہ رسول اللہ صلی اللہ علیہ وسلم کو سنایا تو رسول اللہ صلی اللہ علیہ وسلم نے دعا فرمائی ”اے اللہ! اس کے دونوں ہاتھوں کو بخش دے“۔ 13 (مسلم)