Hadith 4350

سیدتنا عائشہ رضی اللہ عنہا سے روایت ہے کہا: جب نبی اکرم صلی اللہ علیہ وسلم بیمار ہوئے آپ صلی اللہ علیہ وسلم کے بعض ازواج مطہرات نے ایک گرجا کا ذکر کیا جس کو ”ماریہ“ کہا جاتا تھا۔ اور ام سلمہ اور ام حبیبہ سر زمین حبشہ گئیں تھیں پس ان دونوں نے اس کی خوبصورتی کا اور اس میں موجود تصویروں کا ذکر کیا تو آپ ﷺ نے اپنا سر مبارک اٹھایا اور فرمایا: یہ وہ لوگ ہیں جب ان میں کوئی نیک آدمی انتقال کر جاتا ہے تو وہ اس کی قبر پر مسجد بناتے ہیں پھر اس میں ان تصویروں کو اتارتے ہیں یہ اللہ کی مخلوق میں بدترین لوگ ہیں۔ (متفق علیہ)