Hadith 5962

(7) قولہ: استقرؤا القرآن من اربعة۔ یعنی قرآن مجید کو ان چار حضرات سے سیکھو، یہ حفاظ صحابہ میں سے ہیں۔ شرح مسلم میں ہے علماء نے فرمایا یہ چار حضرات نے رسول اللہ صلی اللہ علیہ وسلم سے بالمشافہ قرآن سیکھنے کے لئے اپنے آپ کو فارغ کر لیا تھا۔ ان کے علاوہ دیگر صحابہ نے آپس میں ایک دوسرے سے سیکھنے پر اقتصار کر رکھا تھا۔ اس بات کی طرف کہ رسول اللہ صلی اللہ علیہ وسلم نے ان کو زیر بحث امر خلافت کے بارے میں پوشیدہ طور پر بتا دیا تھا۔ اس کی گواہی اس استدراک سے ہوتی ہے جس کو صاحب کتاب (مشکوٰۃ) نے حدیث خلافت کے ذریعہ سے جوڑا ہے کہ: آپ نے فرمایا اگر میں تم پر خلیفہ بناؤں اور تم اس کی نافرمانی کرو تو تم عذاب میں مبتلا کئے جاؤ گے، لیکن تم سے حذیفہ جو بیان کریں تم اس کی تصدیق کرو۔ اور یہ حضرت حذیفہ ہی تو ہیں جو رسول اللہ صلی اللہ علیہ وسلم سے روایت کرتے ہیں اقتدوا باللذين من بعدي الخ (میرے بعد ابوبکر و عمر کی اقتداء کرو) اور میں سمجھتا ہوں کہ رسول اللہ صلی اللہ علیہ وسلم کی احادیث شریفہ میں خلافت سے متعلق سب سے زیادہ واضح اشارہ مذکورہ ان دو حدیثوں میں موجود ہے اور حضرت ابوسعید رضی اللہ تعالیٰ عنہ کی حدیث ”سُدُّوا عَنِّي كل خوخة إِلا خوخة أبى بكر“ رضی اللہ تعالیٰ عنہ کی حدیث سے بڑھ کر کوئی صحیح حدیث نہیں ہے (امر خلافت میں)۔ یا (یہ معنی ہے کہ) آپ صلی اللہ علیہ وسلم نے اس کے ذریعہ یہ اعلان کرنے کا ارادہ فرمایا کہ آپ صلی اللہ علیہ وسلم کے وصال کے بعد یہ چار حضرات تعلیم قرآن میں آگے رہیں گے، کیونکہ یہ چار حضرات دوسروں کے مقابلہ میں زیادہ قاری ہیں۔ (مرقات)