Hadith 1335

سعد رضی اللہ عنہ سے روایت ہے کہ وہ اپنے بیٹوں کو یہ کلمات سکھایا کرتے تھے اور فرماتے تھے کہ رسول اللہ صلی اللہ علیہ وسلم نماز کے بعد (ذیل میں آنے والی چیزوں سے ان الفاظ میں پناہ مانگتے تھے ”اللّٰهُمَّ إِنِّي أَعُوذُ بِكَ مِنَ الْجُبْنِ وَأَعُوذُ بِكَ مِنَ الْبُخْلِ وَأَعُوذُ بِكَ مِنْ أَرْذَلِ الْعُمُرِ وَأَعُوذُ بِكَ مِنْ فِتْنَةِ الدُّنْيَا وَعَذَابِ الْقَبْرِ“ (اے اللہ! مجھے بزدلی اور کم ہمتی سے بچائیے، اے اللہ مجھے بخل سے بچائیے ایسا نہ ہو کہ میں مال خرچ کرنے کی جگہ خرچ نہ کروں اور ایسا نہ ہو کہ لوگوں کو علم پہنچانے میں کوتاہی کروں اور نہ ایسا ہو کہ جہاں مجھے خیرخواہی کرنا ہے وہاں خیرخواہی نہ کروں، اے اللہ! مجھے ایسی عمر کو نہ پہنچائیے کہ جس میں قویٰ ناکارہ ہو جانے سے میں آپ کی عبادت نہ کر سکوں، اے اللہ! مجھے دنیا کے فتنے سے بچائیے کہ دنیا اپنی زیب و زینت کے ساتھ میرے سامنے آ کر میرا دل لبھائے اور آخرت کو بھلا دے، اے اللہ! مجھے قبر کے عذاب سے بچائیے کہ مجھ سے ایسے کام نہ ہوں جن کی وجہ سے قبر میں عذاب ہونے لگے۔ (اس کی روایت بخاری نے کی ہے۔)