Hadith 1343

عبداللہ بن مسعود رضی اللہ عنہ سے روایت ہے، انہوں نے کہا کہ رسول اللہ صلی اللہ علیہ وسلم نماز میں ہوتے اور ہم رسول اللہ صلی اللہ علیہ وسلم کو سلام کیا کرتے تو حضور علیہ السلام بحالت نماز ہم کو سلام کا جواب دیا کرتے تھے لیکن جب ہم نجاشی کے پاس سے واپس ہو کر خدمت اقدس میں حاضر ہوئے (تو حضور نماز میں تھے) اور ہم نے آپ کو سلام کیا تو حضور علیہ السلام نے ہم کو سلام کا جواب نہیں دیا نماز کے بعد ہم نے عرض کیا یا رسول اللہ پہلے ہم آپ کو نماز کی حالت میں سلام کیا کرتے تو آپ ہم کو سلام کا جواب دیا کرتے تھے (مگر اس دفعہ ہم کو جواب نہ ملا) تو حضورؐ نے فرمایا کہ یقیناً نماز میں خود ہی بڑی مشغولیت رہتی ہے۔ (اس لئے دوسری طرف متوجہ نہیں ہونا چاہئے۔) (اس کی روایت بخاری اور مسلم نے متفقہ طور پر کی ہے۔)