Hadith 1378

عبداللہ بن مسعود رضی اللہ عنہ سے روایت ہے، انہوں نے کہا کہ جب تم میں سے کسی کو اپنی نماز کی تعداد رکعات میں) شک ہوا کرے کہ تین رکعتیں پڑھی ہیں یا چار تو وہ تحری کر کے گمان غالب معلوم کرے اگر اس کا گمان غالب یہ ہو کہ اس نے تین رکعتیں پڑھی ہیں تو (وہ تیسری رکعت کے رکوع اور دونوں سجدوں سے فارغ ہو جائے اور چونکہ اس تیسری رکعت میں چوتھی رکعت کا بھی احتمال ہے اس لئے اس تیسری رکعت سے فارغ ہونے کے بعد قعدہ میں بیٹھ جائے، اس لئے کہ چوتھی رکعت کا قعدہ فرض ہے) اس کے بعد کھڑا ہو کر چوتھی رکعت ادا کرے اور چوتھی رکعت کے بعد پھر قعدہ اخیرہ کرے اور اس میں التحیات پڑھ کر سلام پھیرے اور سہو کے دو سجدے کرے اور اگر تحری کے بعد اس کا گمان غالب یہ ہو کہ اس نے چار رکعتیں پڑھ لی ہیں تو وہ قعدہ اخیرہ کے لئے بیٹھ جائے اور التحیات پڑھ کر سلام پھیرے اور سہو کے دو سجدے کرے۔ (اس کی روایت امام محمد نے کتاب الآثار میں کی ہے۔)