Hadith 1827

عمار رضی اللہ عنہ سے روایت ہے وہ فرماتے ہیں کہ میں نے رسول اللہ صلی اللہ علیہ وآلہ وسلم کو ارشاد فرماتے سنا ہے کہ یقیناً نماز کو طویل اور خطبہ کو مختصر پڑھنا انسان کی دانشمندی کی علامت ہے (اس وجہ سے کہ خطبہ میں توجہ الی اللہ کی تعلیم دی جاتی ہے اور نماز میں توجہ الی اللہ حاصل ہو جاتی ہے، توجہ الی اللہ کی تعلیم مختصراً کافی ہے اور توجہ الی اللہ جب نماز میں حاصل ہو جاتی ہے تو نماز میں جس قدر دیر تک رہے وہ بہتر ہے۔ اس لئے خطبہ مختصر اور نماز طویل ہونی چاہئے۔ اسی مصلحت سے ارشاد ہو رہا ہے کہ خطبہ مختصر دیا کرو، نہ اتنا کم کہ خطبہ کا مقصود حاصل نہ ہو، نہ اتنا طویل کہ سننے والے اکتا جائیں، بلیغ انداز سے ضرورت کے موافق خطبہ دیا کرو اور جب نماز کی نوبت آئے تو جس قدر ہو سکے توجہ الی اللہ میں رہا کرو، تم کو معلوم ہے کہ بعض بیان جادوئی اثر رکھتے ہیں اور اگر تم مؤثر اور مختصر خطبہ دیا کرو تو وہ کافی ہے بے اثر طویل خطبہ دینے سے، اس لئے تم کو نصیحت کی جا رہی ہے کہ) تم نماز طویل پڑھا کرو (اس لئے کہ نماز مقصود ہے اور جو چیز مقصود ہوتی ہے وہی طویل ہونی چاہئے اور خطبہ (مؤثر) مختصر دیا کرو، اس لئے کہ بعض بیان جادوئی اثر رکھتے ہیں۔ (اس کی روایت مسلم نے کی ہے۔)