Hadith 1885

ابو سعید خدری رضی اللہ عنہ سے روایت ہے آپ فرماتے ہیں کہ رسول اللہ صلی اللہ علیہ وآلہ وسلم کی عادت مبارکہ تھی کہ (مینڈھوں میں سے چن کر ایسے مینڈھے کی قربانی کرتے تھے جس کے سینگ مڑے ہوئے ہوتے اور جو موٹا تازہ اور نر ہوتا تھا اور ابلق یعنی چتکبرا ہوتا یعنی اس کا تمام جسم سفید ہوتا، اور آنکھوں کے اطراف سیاہی اور منہ سیاہ اور پیر بھی سیاہ ہوتے تھے (اس سے معلوم ہوا کہ ایسا تیار اور فربہ مینڈھا چن کر قربانی دینا افضل اور سنت ہے)۔ (اس حدیث کی روایت ترمذی، ابوداؤد و نسائی اور ابن ماجہ نے کی ہے۔)